
Li Êlihê li dijî tayînkirina qeyûman çalakî 

2024-11-23 13:32:48


	&nbsp;

	ÊLIH - Hevserokê DEM Partiyê yê Êlihê Mustafa Tekîk ku bertek nîşanî tayînkirian qeyûaman da û diyar kir û li Dêrsimê ji berê û paş de bi ser nketine û wê niha jî bi ser nekevin.&nbsp;

	&nbsp;

	Bertekên li dijî tayînkirina qeyûman li şaredariyên Êlihê îro jî dewam kirin. Piştî di 4'ê Mijdarê de ji aliyê Wezareta Karên Hundir ve qeyûm tayînî şaredariya Bajarê Mezin a Mêrdînê, Êlih û Xelfetî yên di bin rêveberiya Partiya Wekhevî û Demokrasiyê ya Gelan (DEM Partî) de. Duh jî qeyûm tayînî Şaredariyên Dêrsim û navçeya wê Pilûrê hat kirin.

	&nbsp;

	Li dijî vê rewşê li Êlihê, girseya gel li ber Bîrdariya Mafên Mirovan a Kolana Gulîstanê li hev civiya û tayînkirina qeyûman şermezar kirin. Hevşaredarê Êlihê Yeşîl Işik, Tevgera Jinên Azad (TJA), Meclîsa Dayikên Aştiyê, OHD, DBP, Rêxistinên Herêmê yên DEM Partiyê û gelek welatî tevlî çalakiyê bûn.

	&nbsp;

	Hevserokê DEM Partiyê yê Êlihê Mustafa Tekîk, bertek nîşanî tayînkirina qeyûman da.

	&nbsp;

	Hevserokê Rêxistina DBP'ê yê Elihê Resûl Çetîn ku piştre daxuyaniya çapemeniyê xwend, destnîşan kir ku tayînkirina qeyûman desteserkirina îradeyê ye. Resûl Çetîn ev tişt anî ziman: "Em ne polîtîkaya qeyûn û ne jî biryareke ku îradeya gel paşguh dike nas nakin. Desthilatdariya AKP-MHP'ê ji bo pêşî li westandina xwe yasiyasî bigire dijminatiya xwe ya li hemberî gelê Kurd hîn kûrtir kiriye. Îsrara xwe ya li ser tinehesibandina vîna gel didomîne, piştî Êlih, Xelfetî û Esenyurtê qeyûm tayînî şaredariyên Dêrsim û Pulurê kir. Desthilatdariya AKP-MHP'ê careke din rasterast îradeya gel û nirxên demokratîk hedef girt. Em baş dizanin ku biryara qeyûmê bi armanca cezakirina nêzîkatiya jiyana pirçandî û pirzimanî ya Dêrsimê, nirxên olî û bîra dîrokî ye."

	&nbsp;

	'Pergala hevserokatiyê di hedefê de ye'

	&nbsp;

	Resûl Çetîn, diyar kir ku pergala hevserokatiyê hedefa hikûmetê ye û wiha got: "Rêjîma qeyûm di heman demê de dijminê destkeftiyên jinan e. Em ê bi felsefeya xwe ya 'Jin' re jî feraseta rêveberiya xwe ya demokratîk, ekolojîk û azadiya jinê zindî bikin. &nbsp;Di vê çarçoveyê de em bang li hemû gelê xwe û rêxistinên girseyî yên demokratîk dikin ku ji bo pêşeroja demokrasî û azadiyê destekê bidin îradeya hilbijartî ya gelan ya Dêrsimê!”

	&nbsp;

	Daxuyanî bi dirûşmên “Zext nikarin me bêzar bikin” û “Bijî berxwedana Batmanê” bi dawî bû.

	&nbsp;

	&nbsp;