
Ji bo Konferansa Demokrasiyê 'Koma Xebatê ya Jinan' dê bê avakirin 

2021-05-16 09:01:21


	&nbsp;

	STENBOL - DÎB, amadekariyên xwe yên Konferansa Demokrasiyê didomîne. Ji bo konferansê Koma Xebatê ya Jinan dê bê avakirin. Dê bi Koma Xebatê nêrîn û pêşniyarên jinan di konferansê de bên ziman.&nbsp;

	&nbsp;

	Ji bo Demokrasiyê Yekitî (DÎB), dê di meha hezîranê de bi dirûşma "Nan, azadî û edalet" Konferansa Demokrasiyê li dar bixe. Vexwînerên Konferansa Demokrasiyê yên ji siyasetmedar, nivîskar akademîsyen û nûnerên saziyên civaka sivîl pêk tên armanca xwe ya hevpar bi civînekî diyar kiribûn. Bi konferansê tê armanc kirin ku hêzên demokrasiyê hêzên xwe bikin yek û bikaribin hemû aliyên civakê bînin cem hev. DÎB, armanc dike ku bi yekîtiyê rêyeke nû ya siyaseta gelparêz veke û bibe platformeke rewa ya daxwaz û dengê hemû bindestan.&nbsp;

	&nbsp;

	Amadekariyên konferansa ku di meha hezîranê de pêk bê didomin. Ji DÎB'ê Cemîle Baklaci ji ajansa me re behsa amadekariyên jinan ên konferansê kir.&nbsp;

	&nbsp;

	Cemîle, bal kişand ser Konferansa Demokrasiyê û diyar kir ku dê jin, karker, ciwan û hemû beşên civakê di konferansê de cih xwe bigirin. Cemîle, destnîşan kir ku dê hewl bidin ku bi nêzîkatiyeke kollektîf daxwazan bînin ziman û got: "Ji bo konferansê komên xebatên hatin amadekirin. Ji bo pirsgirêk û çareseriya pirsgirêkên jinan di konferansê de bê ziman Koma Xebatê ya Jinan dê bê avakirin. Di vê komê de dê nûnerên saziyên jinan, kesayet û femînist hebin."

	&nbsp;

	Cemîle, da zanîn ku ji bo konferansê komên vexwîner hatin amadekirin û wiha axivî: "Em jin dê di 20'ê gulanê de di nava koma vexwînerê de cih bigirin. Her wiha di 17'ê gulanê de jî bi jinan re bicivîn û bal bikişînin ser mijarên ku di konferansê de bên nîqaşkirin."&nbsp;

	&nbsp;

	Cemîle, diyar kir ku di pêvajoya pandemiyê de gelek jin di nava malê de bi şîdetê re rûbirû man an jî hatin kuştin. Cemîle wiha dawî li axaftina xwe anî: "Ligel şîdet û kuştinan, jin bi xizanî û bêkariyê re rûbirû dimînin. Ev pirsgirêkên jinan her roja ku derbas dibe kûrtir dibe. Di pêvajoya pandemiyê de herî zêde jin di nava şert û mercên bêewledê hatin xebitandin. Em ê di Konferansa Demokrasiyê de wan pirsgirêkên sereke yên jinan bînin ziman. Em dibêjin li hemberî her cûreyên êrîşên li hemberî jinan, em ê vîna xwe biparêzin û rêbaza têkoşîna xwe ya hevpar avabikin."&nbsp;