Tevgera Azadiyê hevserokên xwe yên nû hilbijart  

2022-07-16 10:27:44


	 

	NAVENDA NÛÇEYAN - Di 3'yemîn Kongreya Tevgera Azadiyê de gelek biryarên girîng hatin girtin û hevserokên nû hatin hilbijartin. 

	 

	Kongreya Tevgera Azadî ya 3'yemîn ku bi tevlîbûna 700 delegeyî hatibû destpêkirin, bi hilbijartina 16  endamên desteya rêveber û girtina gelek biryarên nû bi dawî bû.

	 

	Kongereya 3'yemîn a Tevgera Azadî ya Civaka Kurdisatanê (Tevgera Azadî) ku serê sibehê dest pê kiribû ber destê êvarê bi hilbijartina endamên desteya rêveber a nû û girtina gelek biryarên nû yên derbarê bihêzkirina têkoşîna demokrasî û azadiyê de bi dawî bû.

	 

	Piştî navbera nîvro ji bo hilbijartina Destaya Rêveber a Tevgera Azadî deng hate dayîn. Di encama dengdanê de 16 kes ji bo Desteya Rêveber a Tevgera Azadî hatib hilbijartin.

	 

	Piştî hilbijartina rêveberiyê, Ronahk Mecîd pêşniyar, biryarên derbarê proje û xebatên Tevgera Azadiyê de ji delegeyan re xwend. Pêşniyar, ji bo bibin biryar ji aliyê delegeyan ve hate erêkirin.

	 

	Çend biryar û plansaziyên di kongreyê de derketin pêş wiha ne:

	 

	“*Avakirina akademiyên perwerdeyî û zêdekirina perwerdeyê.

	 

	*Xurtkirina komînên gund û taxan.

	 

	*Konfreransek li ser rewşa aborî û bandora sîstema sermayedar û desthilatê, pêşxistina aboriya komîn li ser esasê konfederalîzma demokratîk.

	 

	*Wê hemû hewldanên me ji bo lidarxistina kongreya neteweyî be.

	 

	*Pêşxistina têkiliyên di navbera hemû ol, bawerî û pêkhateyên li herêmê. Ji bo vê desteyek taybet ji bo ol û baweriyan pêk tînin û li ser vê yekê karê xwe dike.

	 

	*Lidarxistina festîval an jî konferansekê li ser çanda kurd û çanda gelan.

	 

	*Zêdetir girîngî dayîna xwezayê. Di vê çarçoveyê de wê xebat bê kirin.

	 

	*Hemû xebatê wê li ser esaê ku Tevgera Azadî bigihîne hemû civakê.

	 

	*Xebatek taybet di warê tenduristiyê de bê kirin. Dîsa hinek proje ji bo gel tê amadekirin ku di warê tenduristiyê de hinek pêwîstî bên amadekirin.

	 

	*Hewl bê dayîn ku konferans an jî civînek fireh ji bo jinan têkildarî rewşa jinan a li herêma û kuştinên jinan bê lidarxistin.

	 

	*Hewl bê dayîn ku konferansek li ser qurbaniyên şer û cangoriyan.

	 

	*Bi sîstematîk li gel rewşenbîran bê civîn, sûd ji ramanên wan bên girtin.”

	 

	Piştî biryar û projeyan jî hevserok, endamên destayê û hevserokên herêman sonda xebatê xwendin.

	 

	Herî dawî hevseroka peyama dawî ya konferansê da û dawî bi kongreyê hat.

	 

	Delegeyên konferansê herî dawî pîrozbahî li hevserokan û desteya rêveber ên hatin hilbijartin kir.