
Li Berlînê ji bo Nagîhan û Jîna meşek hat lidarxistin 

2022-10-07 13:05:13


	&nbsp;

	&nbsp;

	NAVENDA NÛÇEYAN - Li Berlînê bi hezaran jin daketin qadan û gotin: "Li hemberî sîstemên faşîst ên ku ji Nagîhan û Jînayan ditirsin, em ê têkoşîna xwe dewam bikin."

	&nbsp;

	Li paytexta Elmanya Berlînê jin ji bo endama Akademiya Jineolojiyê Nagîhan Akarsel û Jîna Mahsa Amînî daketin qadan û bi dirûşma "Jin, jiyan, azadî" biryardariya li ser têkoşînê nîşan dan.

	&nbsp;

	Bi banga Meclîsa Jinê ya Dest-Dan bi hezaran ji jinên Kurdistanî, Tirkiyeyî û enternasyonalîst nivê şevê li hev kom bûn û ji bo bîranîna şehîdên şoreşê deqeyek rêz girtin.

	&nbsp;

	Piştre bi navê Meclîsa Jinê ya Dest-Dan daxuyanî hate dayin û hate gotin: "Li cografya Kurdistanê bi sedan sal in jin li dijî mejiyê baviksalar têdikoşin. Li dijî sîstemên faşîst ên ji Nagîhan û Jînayan ditirse em ê mîna îro bi hezaran kesî têkoşîna xwe dewam bikin."

	&nbsp;

	Meş li Oranienplatzê bi dirûşma "Kurdistan goristan ji bo faşîstan" bi dawî bû.

	&nbsp;

	&nbsp;

	&nbsp;&nbsp; &nbsp; &nbsp; &nbsp;&nbsp;

	&nbsp;

	&nbsp;

	&nbsp;&nbsp; &nbsp; &nbsp; &nbsp;