'Wê bersiva me mezinkirina serhildana Jin Jiyan Azadî be' 

2022-10-07 21:55:16


	 

	AMED - TJA û HDP ji bo Nagîhan Akarsel daxuyanî dan.

	 

	TJA û HDP xwestin ji bo Nagîhan Akarsel a bi sûîkastê hat qetilkirin daxuyanî bidin. Daxûyanî rûxmê bi sedan polîsên çalekvanan xistin di bin ablûqayê de pêk hat û li dijî astengiyê çalekiya rûniştinê pêk hat.

	 

	Di daxuyaniyê de parlementer Ayşe Acar Başaran got wê li dijî êrişên we bersiba me serhildan be “Jin Jiyan Azadî” be.

	 

	Bi pêşengiya Tevgera Jinên Azad (TJA), Partiya Demokratîk a Gelan (HDP) û Meclîsa Jinan ya HDP’ê li dijî qetilkirina endama navenda lêkolînê ya Jinolojiyê Nagîha Akarsel li navçeya Yenîşehîra Amedê li ber avahiya AZC palaza yê daxuyanî da. Parlementerên HDP’ê, Konreya Civaka Demokratîk (DTK), çalekvanên TJA’yê, Komeleya jinan a Rosa yê, rêxistinên sivîl, şaxa Amedê ya Komeleya Hiqûqnasan ya ji bo Azadiyê (OHD), Partiya Herêmên Demokratîk (DBP), rêxistina navçe û bajêr beşdarî daxuyaniyê bûn. Çalekvanan dovîzên li ser wêneyê Nagîhan û diruşmeyên “Jin Jiyan Azadî” hene bilind kirin.

	 

	Polîsan plazaya AZC’ê ya wê li ber daxuyanî hatiba dayîn xistin di bin ablûqayê de. Di heman demê de derdora xebatkarên çapemeniyê û pêşiya wan bi kalkanan hatin girtin. Kişana çapemeniyê hate astengkirin. Li dijî vê diruşmeyên “Çapemeniya Azad Nayê Bêdengkirin”, “Jin Jiyan Azadî”, “Heval Nagîhan Bê Mirine”, û “Bijî Berxwedana Jina” hate berzkirin. Di heman demê de parêzerên endama OHD’ê ne xwestin bikevin nava ablûkayê. Lê belê rastî astengê hatin û ji aliyê polîsan ve hate darpkirin.

	 

	Bi gotina berdevka Melîsa Jinan a HDP’ê Ayşe Acar Başaran ya “Em ê bi hêza jinê ya azadî xwaz îqtidara faşîst birûxînin” re polîsan kalkanan bi awayê ku çalekvan neyên dîtin bilindkirin. Piştî demek dirêj Ayşe din ava ablûkayê de dengê xwe bilind kir û axivî. Ayşe got: “Em îro ji bo rêhevala xwe li vir kom bûn lê cardin em bi tundiya îqtidarê ya mêr re rû bi rû ne. Îro mafê me yê demokratîk tê astengkirin. Hevala me bi 11 guleyan hate qetilkirin. Em hêza li pey vê qetlîamê nasdikin. Yên daxuyaniya me asteng dikin  bi vê hêza qirêj re din ava hevkariyê de ne. Tu êriş, tu qirkirin û tu ablûqa me ji xwesteka me pişve nabin. Jin li çar parçeyên dinayayê bi dirûşma “Jin Jiyan Azadî” li hember hişmendiya mîlîtarîst têdikoşin. Em ê bi azadiya jinê re civakan azad bikin. Bi qetilkirina Nagîhan re peyama we daye têkoşîna azadiyê ya jinên kurd û çapemeniya azad hate fêmkirin. Li dijî vê bersiva me berxwedan e, bersiva me bilindkirina serhildanê ye. wê bersiva me ‘Jin  Jiyan Azadî’ be.”

	 

	Li dijî astenga girse çalekiya rûniştinê li dar xist. Çalekî bi dirûşmên  “Çapemeniya Azad Nayê Bêdengkirin”, “Jin Jiyan Azadî”, “Heval Nagîhan Bê Mirine”, û “Bijî Berxwedana Jina” hate berzkirin.