Dayika Sarayê: Keça min li dijî çekên kîmyewî ev çalakî pêk anî 2022-10-30 09:01:52     STENBOL - Dayika, Sara Tolhildan a li navçeya Mezîtlî ya Mersînê li dijî mala polîsan çalakî pêk anî Pîroz Urper wiha got: “Keça min li dijî çekên kîmyewî û tabutên ji girtîgehê derdikeve çalakî pêk anî.”   Li taxa Tece ya Mezîtlî ya Merînê li hember Mala Polîsan a Tece di 26’ê îlonê de çalakî pêk hat, polîsekî jiyana xwe ji dest da gelek jî birîndar bûn. Endama YJA STAR’ê  Dîlara Urper (Sara Tolhildan)  û Emek Feremez Hisên (Rûken Zelal) çalakî pêk anîbûn û li cihê bûyerê jiyana xwe ji dest dan. Hikûmeta Tirk bi hevkariya Partiya Demokratîk a Kurdistanê (PDK) di 17’ê Nîsanê de li hember Zap, Metîna û Avaşîn êrîş dabûn destpêkirin û di êrîşan de heta niha gelek caran çekên kîmyewî bi kar anî. Di daxuyaniya ku HPG’ê da de diyar kir ku Sara û Rûkenê li dijî bikaranîna kîmyewî û qetilkirinên li girtîgehan çalakî pêk anîne.   Yekane kesa ku xwe gîhand hevalên xwe yên ji çekên kîmyewî bi bandor bûne   Di nûçeya ku di Ajansa Nûçeyan a Firat (ANF) de hatiye weşandin de hat diyarkirin ku bûyera bandor li  Sarayê kiriye êrîşên li Siyanê ya Garê pêk hatine. Di nûçeyê de hat gotin ku Sarayê ewil xwe gîhandiye hevalên xwe yên ji kîmyasalê jiyana xwe ji dest dane û şahidiya bûyerê kiriye û li dijî vê van êrîşan ev çalakî pêk anîne.   ‘Çi rihekî bi nirx’   Sarayê  êşa hevalên xwe di rojnivîska xwe de wiha nivîsîbû: “Ez niha difikirim ku hevalên min di şikeftê de çawa bûn, çawa 4 rojan di vê gazê de, çawa li dijî C-4 û her cureyê êrîşê li berxwe dan? Çi rihekî mezin çi rihekî bi nirx! Em ên ku divê me xwe bigihandayê me xwe negîhandê, vebala vê pir giran e, gelo ez ê çawa ji bin vê rabim? Û ez ê bikim! Soz didim ku ez ê rexnedayîna xwe ji dil bidim. Tenê bila ez dakevin qada pratîk. Ez ê bi sekna xwe ya ku dijmin qehr bikim rexnedayîna xwe bidim û kêm be jî wê wijdana min rehet bike.”   ‘Sara her tim cuda bû’   Dayik Pîro Urper ku cenaza Sarayê di poşetekî de teslîm girt diaxive. Pîrozê got di vîdeoya dawî ya Sarayê de li ser keça wê şopên kîmyewî hebûye. Pîrozê wiha got: “14 sal bû min ne dengê keça xwe bihîst ne rûyê keça xwe dît.  Nav zarokên min de Sara her tim cuda bû. Tu car dilê min neşikand. Diçû kar dema dihat alîkarî dida min. Tu car ez piştguh nedikirim.  Jinek cîrana me ya bêkes hebû. Ji cihê kar pere kom dikir dianî dida wê. Li dijî neheqiyan her tim serî hildida. Keça min gelek narîn û hestiyar bû.”   ‘Girêdayî têkoşînê bû’   Pîrozê  di berdewamiyê de wiha vegot: “Sara ji temenê biçûk de girêdayî têkoşîna azadiya Kurd bû. Em dixwazin zarokên me jî wek zarokên cîhanê bi zimanê xwe biaxivin nasnameya wan hebe. Em dixwazin girtî bên berdan. Lê li dijî gotinên me yên aştiyê, me heps dikin. Ez wek dayikekê naxwazim leşker û polîs jî bimirin. Bila gerîla nemirin. Ez dixwazim zarokên me li ser axa xwe azad bijîn. Lê dewlet vê naxwaze. Em dixwazin bi nasnameya xwe bijîn.”   ‘Li dijî çekên kîmyewî ev çalakî pêk anî’   Pîrozê banga yekitiyê li gelê Kurd kir, banga çekberdanê li cerdevanan kir û wiha dirêjî dayê: “Sarayê tu car neheqî qebûl nedikir. 12 hevalên wê bi çekên kîmyewî qetil kirin. Keça min bû şahida vê. Ew jî di bin bandora bikaranîna çekên kîmyewî de ma. Tabutên ji girtîgehan derketin, çekên kîmyewî dîtin. Ji bo vê ev çalakî pêk anî. Ez dixwazim hêjayî keça xwe bim. Ez bi keça xwe serbilind im. Ji bo hevalên xwe ev çalakî pêk anî. Ez piştgiriyê nadim şer. Bila kezeba kesî neşewite. Bila serê gelê Kurd sax be.”   Ji keça xwe re helbest nivîsî   Pîroz herî dawî helbesta ji bo keça xwe Sarayê nivîsiye xwend. Pîroz ku êşa xwe herikand helbestê, hesreta li hember keça xwe û girtina cenazeyê wê ya di tûrik de vedibêje.   Helbesta ku Pîrozê ji bo keça xwenivîsiye wiha ye:    Dêya min pir bêriya te kiribû   Ez pir tehni bûm diçim ser kaniyê   Le av tê de tune ye, ez bi aliyê çem de herikiyam   Lê şûna avê, ne av xwîn diherikiya   Şev û roj av têra xwe, av têra xwe dide   Mezitli ez diçûm delala dilê xwe   Pêşvaz dikim lê delala dilê min pirtik û poşet in   Min digot qey ez ê rûyê delala xwe ramûsim    Lê min di destê xwe de pirtik û poşet didît   Ez çi bibêjim ez çi bikim lê tenê dibêjim oxir be.”