Li Helebê konferansa ji bo azadiya fîzîkî ya  Abdullah Ocalan

2024-10-08 13:23:25


	 

	 

	 

	NAVENDA NÛÇEYAN - Li Helebê konferanseke taybet bi boneya salvegera 26`an a Komploya Navneteweyî bi dirûşma "Felsefeya jiyana azad a Rêber Apo çareseriya tevahî aloziyên Rojhilata Navîn e" dest pê kir.

	 

	Kongra Star û Însiyatîfa Sûriyeyê ya ji bo Azadiya Rêberê PKK'ê Abdullah Ocalan ji bo şermezarkirina Komploya Navneteweyî ya li dijî  Abdullah Ocalan ku 9`ê Cotmeha 1998`an dest pê kir û hîna berdewam e, konferanseke taybet organîze kir.

	 

	Konferans li Hola Star Light a taxa Şêxmeqsûdê dest pê kir. 400 rewşenbîr, nivîskar, siyasetmedar, çalakvan û alîgirên tevgera rizgariya Kurdistanê û malbatên şehîdan, tev lê bûne.

	 

	Li gorî bernameya ku komîteya amadekar parve kiriye, mijara yekane ya konferansê bi sernavê "Komploya Navneteweyî ya li dijî Rêber Abdullah Ocalan, sedem û encam" dê ji aliyê berdevka şaxê Însiyatîfa Sûriyeyê ya ji bo azadiya Rêber Abdullah Ocalan a Helebê Amne Xidir ve were birêvebirin.

	 

	Dê sînevîzyonek têkildarî têkoşîna  Abdullah Ocalan were pêşandan. Dûre dê peyamên pîrozkirinê yên Kongra Star, Însiyatîfa Sûriyeyê ya ji azadiya Abdullah Ocalan û gelek aliyên din werin xwendin. Her wiha bi rêya Skypeyê dê gelek rojnamevan, nivîskar ji Misir û Fransayê tev li konferansê bibin.

	 

	Di dawiya konferansê de berdevka Însiyatîfa Jinan a ji bo Azadiya Rêber Abdullah Ocalan a Helebê Fehîme Hemo û berdevkê Însiyatîfa ji bo azadiya Rêber Abdullah Ocalan a Sûriyeyê şaxê Helebê Menan Cafer encamnameya konferansê bixwînin.

	 

	Konferans bi axaftina endama Însiyatîfa Jinan a ji bo Azadiya Rêber Abdullah Ocalan a Helebê û nûçegihana Jin Newsê Midye Miqted didome.