
Kombûna Jinan a Zenûbiya tev li kampanyaya li dijî darvekirinan bû 

2024-10-25 12:36:50


	&nbsp;

	&nbsp;

	NAVENDA &nbsp;NÛÇEYAN - Kombûna Jinan a Zenûbiya bi daxuyaniyekê ragihand ku tev li kampanyaya rakirina cezayên darvekirinê yên li dijî jinan ên li Îranê bûye.

	&nbsp;

	Kombûna Jinan a Zenûbiya îro der barê kampanyaya rakirina cezayên darvekirinê yên li dijî jinan ên li Îranê, daxuyaniyeke nivîskî weşand.

	&nbsp;

	Di daxuyaniyê de hate ragihandin ku ew tev li kampanyaya navneteweyî ya rakirina cezayên darvekirinê yên li dijî jinan ên li Îranê dibin û wiha dewam kir: "Em wek Kombûna Jinan a Zenûbiya der barê rewşa trajîk a jinên di girtîgehên Îranê de, bi taybet li girtîgeha Evînê, dilgiran in.”

	&nbsp;

	Kombûna Jinan a Zenûbiya tundî û binpêkirinên hovane yên mafên mirovan ên li Îranê, bi taybetî yên li dijî jinan, wek darvekirin, îşkencekirin û girtina kesên ku daxwaza azadî û guhertinên civakî dikin, bi tundî şermezar kirin.

	&nbsp;

	Di daxuyaniyê de ji civaka navneteweyî hate xwestin ku bi lezgînî tev bigere û cezayên darvekirina jinan ên li Îranê rake.

	&nbsp;

	&nbsp;