
Ji hevşaredaran peyama 'Em paşve gav navêjin'  

2024-11-04 08:34:00


	&nbsp;

	&nbsp;

	NAVENDA NÛÇEYAN - Wezareta Karên Hundir li Şaredariya Bajarê Mezin a Mêrdînê, Şaredariya Êlihê û Şaredariya Xelfetî ya Rihayê yên DEM Partiyê qeyûm tayîn kir. Hevşaredaran peyama "Em paşve gav navêjin" dan.&nbsp;

	&nbsp;

	Wezareta Karên Hundir li Şaredariya Bajarê Mezin a Mêrdînê, Şaredariya Êlihê û Şaredariya Xelfetî ya Rihayê yên DEM Partiyê qeyûm tayîn kir.&nbsp;

	&nbsp;

	Hevşaredarê Bajarê Mezin ê Mêrdînê Ahmet Turk ku li şûna wî qeyûm hate tayînkirin, li ser hesaba xwe ya medyaya dijîtal ev peyam da: “Em ê tu caran dev jê bernedin. Em ê di têkoşîna xwe ya demokrasî, aştî û azadiyê de paşvegavê neavêjin. Em ê rê nedin xespkirina îradeya gel. Bila ev yek wiha bê zanîn!”&nbsp;

	&nbsp;

	Hevşaredarê Xelfetî Mehmet Karayilan jî diyar kir ku biryara qeyûmê ji aliyê polîsan ve jê re hatiye ragihandin. Mehmet diyar kir ku biryara qeyûmê “Nenaskirina vîna Gelê Kurd e.” û wiha bi lêv kir: "Ev bi salan e dewam dike. Îradeya gel a xwerêveberiyê her tim pêk tîne. Zîhniyeta ku nikare vê yekê tehemûl bike, her carê dadikeve qadan. Ev zilm e. Gelê me vê qebûl nake. Em ê bi hev re bin. Em ê heta dawiyê paşve gav neavêjin. Em ê li gel hevşaredarên ku ji aliyê gel ve hatine hilbijartin bimînin û biparêzin dê li cem gelê xwe bin."&nbsp;