
Şaredariya Rêya Armûşê daxwazên zarok, ciwan û jinan pêk tîne 

2024-11-05 09:03:20


	&nbsp;

	&nbsp;

	WAN - Hevşaredara Rêya Armûşê Canan Uzunay, bal kişand ser xebatên ku ji bo jinan tê kirin û got: "Niha xebatên nîvco yên di dema qeyûman de mayî temam dikin. Di çarcoveya daxwazên zarok, ciwan û jinan de plansaziyan dikin."

	&nbsp;

	Şaredariyên Bajarê Mezin û navçeyên Wanê bi salan e bi qeyûman tên birêvebirin, di hilbijartinên herêmî yên 31'ê Adarê de bi giştî 14 şaredarî ketin destê Partiya Wekhevî û Demokrasiyê ya Gelan (DEM Partî). Hevşaredarên jin niha yek car lêz dan xebatên jinan û hewl didin ku xwe bighînin hemû &nbsp;jinan.&nbsp;

	&nbsp;

	Derbarê xebatan de Hevşaredara Rêya Armûşê ya Wanê Canan Uzunay ji ajansa me re axivî.&nbsp;

	&nbsp;

	Canan Uzunay, di destpêka axaftina xwe de bal kişand ser hedefgirtina jin, ziman, çand û hunerê û got: "Dema qeyûm hat tayînkirin di serî de miduriyeta jinan bêtal kirin. Di nav 8 calan de hemû xebat û xizmetên jinan hedef hatin girtin. Gelek saziyên jinan hatin girtin û qadên jiyanê yên jinan ji holê hatin rakirin."

	&nbsp;

	Xebatên nîvco mayî temam dikin

	&nbsp;

	Canan Uzunay, destnîşan kir ku niha hewl didin ku xebatên ku nîvco mayî temam bikin û wiha bi lêv kir: "Em hewl didin ku Navenda Jiyanê ya Jinan a Maya carek din bixin nav xizmetê. Me di serî de pirsgirêkên jinan ên şaredariyê guhdar kir. Me daxwazên wan guhdar kir. Me soza ku em ê bi hev re bajarê xwe bi rêvê bibin da."

	&nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;

	Canan Uzunay, wiha bal kişand ser xebatên taxan: "Navenda Jiyanê ya Jinan a Bostaniçî &nbsp;hebû. Dilê Rêya Armûşê ye taxa Bostanîçî. Me hewl da ku ev navend carekdin xizmetê bide jinan. Her wiha li vir ji bo jinan hem kurs û hem jî ji bo xwendekarên jin etut hatin amadekirin. Kursên wek dirûn, hunera destan hatin afirandin. Her wiha ji bo zarokên wan jinan jî qadên lîstîkê hatin avakirin."

	&nbsp;

	Ji bo zarok, ciwan û jinan xebat

	&nbsp;

	Canan Uzunay, da zanîn ku di nav xebatan de vekirina akademiya zarokan jî heye û wiha axivî: "Qeyûm li kurdistanê li dijî ziman û çandê êrişan pêk tîne. Li dijî vê yekê em hewl didin ku Mala Dengbêjan li navçeyê vekin. Di vê çarçoveyê de xebatên midiruyeta jinan a şaredariya me didomin. Her wiha li Bostanîciyê avahiyek me heye û em ê bikin Navenda Jiyanê ya Jin û Ciwanan. Di nav de kursên enstrumanan bidin, kursên xwendin û nivîsandina bi kurdî bidin destpêkirin."

	&nbsp;

	Canan Uzunay, wiha dawî li axaftina xwe anî: "Em bi ciwan, zarok û jinan re hatin cem hev û me di çarçoveya daxwazên wan de plansaziya stratejîk a 5 salan derxist. Em di vê bingehê de xebatên xwe didin meşandin."