
Li gelek bajaran binçavkirin hat şermezarkirin

2024-11-27 15:53:27


	&nbsp;

	&nbsp;

	NAVENDA NÛÇEYAN - Binçavkirina zêdeyî 200 kesên ku di nav de rojnameger, siyasetmedar, parêzer, akademîsyen, helbestvan û nivîskar jî hene, li gelek bajaran hat protestokirin.

	&nbsp;

	Duh li Amed, Şirnex, Dêrsim, Bedlîs, Riha, Stenbol, Enqere, Îzmîr û Çanakkale jî di nav de li gelek bajaran bi ser malan de hate girtin û gelek kes hatin binçavkirin. Wezareta karên hundir da zanîn ku bi giştî li 31 bajaran bi ser malan de hatiye girtin û 231 kes hatine binçavkirin. Welatî, ev 2 roj in di bin çavan de ne.&nbsp;

	&nbsp;

	Derbarê binçavkirinan de li gelek bajaran çalakiyên şermezarkirinê hatin lidarxistin.&nbsp;

	&nbsp;

	Li Stenbolê Komeleya Mafên Mirovan (ÎHD), li avahiya komeleyê daxuyaniyek da û banga serbestberdana binçavkiriyan kir.&nbsp;

	&nbsp;

	Platforma Ked û Demokrasiyê ya Mêrsînê jî li Parka Zarokên Azad daxuyaniyek da çapemeniyê û bertekên xwe anî ziman.&nbsp;

	&nbsp;

	Li ber Edliya Edenê ji bo binçavkirina endamê ÇHD'ê parêzer Şîar Rişvanoglu daxuyaniyek hat dayîn û bal kişandin ser hemû binçavkirinan û banga piştevaniyê kirin.&nbsp;

	&nbsp;

	Nûnertiya Herêma Egeyê ya DÎSK'ê jî têkildarî binçavkirina Serokê Genel-Îşê Remzî Çalişkan û Serokê Şaxa Genel-Îşê ya Mêrsînê Kemal Goksoy li ber &nbsp;SGK'ê ya Konakê daxuyanî da. Di daxuyaniyê de pankarta "Bi binçavkirin û zextan nikarin me asteng bikin. Em ê li hemberî bêhiqûqiyê serî netewînin" hat vekirin.