‘Rojava li Rojhilata Navîn mînaka jiyana hevpar e'  

2024-12-20 09:09:16


	 

	 

	Rozerin Gultekîn 

	 

	STENBOL - Hevseroka DAD'ê Kadriye Dogan, diyar kir ku li Rojhilata Navîn ne gel îqtîdar xwedî gotinin û bertek nîşanî helwesta Tirkiyeyê ya li dijî Rojava û êrîşên li ser Elwiyan da. Kadriye wiha got, "Rojava li Rojhilata Navîn mînaka herî bedew a jiyana hevpar e." 

	 

	Di encama rûxandina rejîma Baasê de piştî ku Heyet Tahrîr El-Şam (HTŞ) Şam li Sûriyê bi dest xist, şerê navxweyî yê li welêt bi temamî rêça xwe guhert û pevçûn derbasî qonaxeke nû bûn. Hevdem ligel van geşedanan, Tirkiye û Artêşa Millî ya Sûriyê (SMO) ji 27ê Mijdarê ve êrîşên xwe yên li ser Bakur û Rojhilatê Sûriyê zêde kirine. Di heman demê de li Lazqiye û Tartûsê ku piranî Elewî lê dijîn gelek êrîşên HTŞ’ê dewam dikin.  Vîdeoyên Elewiyên li herêmên lê dijîn bi darê zorê ji malên xwe tên derxistin, malên wan tên desteserkirin, êrîşên bi tekbîran û gefên çekdarî li ser medyaya dijîtal tên parvekirin.  

	 

	Hevseroka Komeleya Elewiyên Demokratîk (DAD) Kadriye Dogan der barê şer û êrîşên li dijî Elewiyan de nirxandin kir.

	 

	'Fîl şer dikin, giya tê pelçiqandin'

	 

	Kadriye Dogan, diyar kir ku li Rojhilata Navîn gelek netew û xwedîbawerî bi hev re dijîn, lê dewlet, ne li ser gel, hewl didin li ser erdnîgariyê bibin xwedî gotin û got, “Di serdema netew-dewletan de her dewletek xwe li ser bingehek ava kiriye. bawerî an nasnameya neteweyî. Ji bo cudahiyên li ser bingeha mafê jiyanê, ango hemwelatîbûna wekhev û azadiya baweriyê, amadekariyên pêwîst nehatine kirin. Welatên emperyalîst baş ev fersend ji bo berjewendiyên xw bi kar anîne. Mînaka Sûriyê yek ji   nînakên diyar ên vê yekê ye. Ji ber ku berê axa Osmaniyan bû, em dikarin armanca tirkiyeyê yaxewna Osmanî û siyaseta berfirehkirinê ya Tirkiyeyê li wir bibînin. Li vir rejimên Baasê bi sîyeseta Yekitiya Ereban sîyaseta dûrxistina yên din dimeşînin û bi awayekî xwezayî eşkere dibe ku rejimên Baas rejimên dîktator in. Mînakên vê jî Seddam, Mubarek, Esed bûn. Di hawîrdora şer de, dewlet vê qadê ji bo şer wekî qada îstîsmarê bi kar tînin. SMO, DAIŞ û HTŞ şerê ku ji aliyê desthilatdaran û Tirkiyeyê ve dihat xwestin dewam kirin. Ji ber vê yekê gotinek heye: 'Fîl şer dikin, giya tê pelçikaqandin. Li vê jî yên ku zor li wan tê herî zêde gelên bindest jin û zarokê in."

	 

	'Tirkiye bi rêya çeteyan dixwaze bibe xwedî gotin'

	 

	Kadriye Dogan destnîşan kir ku Tirkiye bi rêya çeteyan hewl dide di pergala nû ya Rojhilata Navîn de bibe xwedî gotin û got, "Cîhan û Tirkiye HTŞ'ê  weke rêxistineke terorîst pênase dikin, lê li aliyekî jî welatê ku di serî de çû serdana HTŞ'ê Tirkiye û Musteşarê wê yê mîtê bû.   Li Rojhilata Navîn pêvajoyek ji aliyê desthilatdaran ve hatiye dîzaynkirin heye. Amerîka, Ingîlistan, gelek welatên Ewropayê û Tirkiye, heta Rûsya û Îran jî di vê hevkêşeyê de cih digirin. Em dizanin ku Tirkiye hem di warê leşkerî, hem jî di warê madî û leşkerî de alîkariyên cidî dide HTŞ’ê û di dîmenên ku tên dayîn de bi aşkere dibêjin ku ew bi wan re tevdigerin. Tirkiye dixwaze li Rojhilata Navîn û Sûriyeyê di dîzayn û rêveberiya nû de bibe xwedî gotin.”

	 

	'Esad ne ji ber Elewîbûna xwe ji ber Baasî ye zalim e'

	 

	Kadriye Dogan qetlîyamên li ser  Elewiyên ên li Sûriyeyê tên kirin jî nirxand û got, Beşar Esad elewî ye û parastina wî ya qetilkirina  elewiyan nayê qebûlkirin. Kadriye Dogan got, “Di sala 2014’an de  HTŞ’ê soz da ku dema ew li ser ê erdnîgariyê bibin îqtîdar ew ê nehêlin Xiristiyan, Elewî, Cihû û Êzidî li vir bijîn. Elewî li ku derê cîhanê bin, çi li Tirkiyê û çi li Sûriyê bin, tu carî nikarîn xwe bi rêxistin bikin û têkoşîna çekdarî û xweparastinê pêş bixin. Ew ji çandeke jiyanê ya ku 72 neteweyan di warê baweriyê de bi heman nêrînê dihesibînin e, aştîxwaz in, her kesî qebûl dikin û li cihekî ku her bawerî tê de azad bin radiwestin. Di olên firehxwaz de, dema ku bawermendek ji baweriyek cûda vediguhere baweriya xwe, ew deriyên bihuştê vebûne dibîne. Ji ber vê yekê, ji bo baweriyan bi berdewamî bêne berhev kirin, veguheztin û ger nikaribin veguherînin, wekî mecbûriyek tê dîtin. bên qetilkirin. Heyf e ku di hevkêşeya Sûriyê de niha tekezî li ser wê yekê tê kirin ku Esed zalim û zordar e ji ber ku ew elewî ye. Esad ji ber Elewîbûna xwe ne zalim e ji ber ku rejîma Baasê dîktator e zalibûna wî ji wê tê. Tu elewî zilma Esad qebûl nakin û napejirînin.  Herêma Tartûs û Laskîyê cihên ku nifûsa Elewî lê zêde ne. Li ser medyaya civakî tê gotin ku ew ê wan tune bikin. Nayê qebûlkirin ku ew bi zilma rejîma Baas a berê xwe bidin nasîn û xwe li ser wê pênase bikin. Ji ber ku Elewiyan tu carî zilmeke wiha qebûl nekirine. Divê di zûtirîn demê de pêşî li van sûcên nefretê bê girtin.”

	 

	'Tirkiye tehamûlî pergala li Rojava nake'

	 

	Kadriye Dogan herî dawî ev tişt go: “Hikûmetên li Tirkiyeyê her tim diyar dikin ku ew ê tu carî destûrê nedin pergala ku li Rojava hatiye avakirin û qebûl nakin. Sedema eslî ya hewldanên Tirkiyeyê jî bê tehemûliya li hebûna Rojava ye. Li Rojava pergalek heye ku her tiştê  heta niha em dizanin berovajî dike. Ev pergal hem di warê bawerî û hem jî di warê nasnameyên neteweyî de li Rojhilata Navîn mînaka herî baş a îmkana jiyana hevbeş e. Rojava mînaka herî baş a jiyana demokratîk û jiyana hevpar e. Ev mînak helbet ne tenê li Tirkiyeyê desthilatdaran ditirsîne. Rêvebirên Rojava di hevokên xwe de ew qas bi tedbîr û baldar in, diyar dikin ku ew dikarin bi her kesî re rûnin û biaxivin û hemû hewldanên xwe bikin ku ji bo Sûriye ber bi zemîneke demokratîk ve biçe. Lê wek min got, tu tehemula Tirkiyê li hemberî vê pergalê ku kurd di nav neteweyên cuda de bibin xwedî gotin, nîne."