
Li Dresden û Romayê pîrozbahiyên Newrozê 

2025-03-22 21:34:31


	&nbsp;

	NAVENDA NÛÇEYAN - Kurdistaniyên li bajarê Dresden a Almanyayê û li paytexta Roma ya Îtalyayê ji bo Newrozê li qadan li hev civiyan.

	&nbsp;

	Kurdistaniyên li bajarê Dresden ê Almanyayê dijîn bi pêşengiya Meclîsa Jinê ya Lêgerîn û Navenda Civaka Kurd a Demokratîk li qada Pieschenner Allee li hev civiyan.&nbsp;

	&nbsp;

	Gelek Kurdistanî û dostên wan tevlî pîrozbahiya Newrozê bû ku di saet 13:00’an de destpê kir. Koma Nûroj, Mehmet Rênas û Koma Mithra Band derket ser dîkê.&nbsp;

	&nbsp;

	Piştî rêzgirtinê Hevserokê KON-MED’ê Kerem Gok û parlementerê Die Linke ya Elman Mirko Schulze axivîn. Di heman demê de peyama li ser navê (YJK-E) hate xwendin.&nbsp;

	&nbsp;

	Pîrozbahiya Newrozê bi stranên hunermendên xwecihî û gerandina govendê heta saetên dereng dewam kir.&nbsp;

	&nbsp;

	Roma

	&nbsp;

	Li bajarê Roma ê Îtalyayê ji aliyê Komeleya Çanda Kurd a Ararat pîrozbahiya Newroz bi coş hate pîrozkirin.

	&nbsp;

	Bi hezaran kes tevlî pîrozbahiyê bû û bi stranên Koma Çarneva pîrozbahî bi coş bû.

	&nbsp;

	Di axaftinên pîrozbahiyê de hate destnîşankirin ku di Newroza îsal de hemû gel bi dirûşmeya “Rêbertiya Azad, Kurdistana Azad” li hev civiyan û hat xwestin ku Newroz ku sembola têkoşîn û berxwedanê ye, aşitî û demokrasiyê ji bo hemû gelan bîne.&nbsp;

	&nbsp;