Li mamostayek jin 3 sal cezayê girtîgehê hat birîn 

2025-03-23 14:36:27


	 

	 

	NAVENDA NÛÇEYAN - Mamoste Kobra Taherkhanî bi îdiaya ‘heqaret li Xamneyî kiriye’ û ‘Li dijî rejîmê propaganda’ 3 sal cezayê girtîgehê lê hate birîn. Her wiha 3 sal cezayê qedexeya derketina derveyî welat jî lê hate birîn.

	 

	Kobra Taherkhanî ku ev 26 sal e li Îranê mamostatiyê dike û di heman demê de endama Sendîkayê ye, ji aliyê 2’yemîn Dadageha Şoreşê ya Kazvîn ve mehkumî 3 sal cezayê girtîgeh hate kirin.

	 

	Li gor biryara ku di Adara 2024’an de hatî dayîn, Kobra Taherkhanî bi îdiaya ‘heqaret li Xamneyî kiriye’ 2 sal û bi îdiaya ‘li dijî rejîmê propaganda’ 1 sal cezayê girtîgehê girt.

	 

	Dadgehê hinceta cezayê daye Kobre Taherkhanî, raporên îstixbaratê yên aîdî Muhavizên Herêma Kazvîn û parvekirinên ku li ser hesabê Instagramê weke belge nîşan dan. Li gel biryarê Kobra Taherkhanî cezayê qedexeya 3 sal ya derketina derveyî welat jî lê hate birîn.