Berxwedana Tişrînê berdewam dike 

2025-04-05 14:39:07


	 

	 

	NAVENDA NÛÇEYAN - Gelê kantona Firatê ku ber bi Bendava Tişrînê ve bi rê ket, dê çalakiya nobetê ji şêniyên Tebqa, Reqa û Dêrazorê dewr bigire.

	 

	Gelê Bakur û Rojhilatê Sûriyeyê ji 8’ê Çileya 2025’an ve ji bo parastina bendavê û nîşandana dijbertiya xwe li hemberî êrişên dewleta Tirk a dagirker û çeteyên wê, nobeta parastinê digire.

	 

	Koma 7’an a şêniyên bajar û gundewarên Kobanê îro li Qada Şehîd Egîd û şêniyên bajarê Eyn Îsa û gundewarên wê li ber avahiya meclisa bajar hatin gel hev û ber bi Bendava Tişrînê ve bi rê ket.

	 

	Şêniyên Kantona Firatê (Kobanê û Eyn Îsa) dê çalakiya nobetê ji şêniyên Reqa, Dêrazor û Tebqayê dewr bigirin.

	 

	Şêniyê bi navê Ehmed El Semio yê ji Eyn Îsayê berê xwe dide Bendava Tişrînê got dê berxwedana rûmetê ya li Bendava Tişrînê bidomînin û anî ziman ku ev berxwedan li dijî planên dagirkirinê erkeke mirovî û exlaqî ye.