
Li Îran û Rojhilat tundiya nava malbatê zêde bûye

2025-06-08 12:56:51


	&nbsp;

	&nbsp;

	NAVENDA NÛÇEYAN- Daîreya Karên Jinê ya Îranê ragihand ku li Rojhilatê Kurdistanê û Îranê rêjeya tundiya li nava malê ya li hemberî jinê zêde bûye.

	&nbsp;

	Li gorî medya Îranê Alîkara Daîreya Karên Jinê Zehra Behrûz ragihand ku rêjeya tundiya li nava malê ya li hemberî jinê bi asta ji sedî 30 zêde bûye.

	&nbsp;

	Zehra Behrûz diyar kir ku divê ev mijar bê lêkolîn û beriya ku felaketên nû rû bide, ev rêveçûna metirsîdar a li nava civakê bi rengekî cidî bê nirxandin.

	&nbsp;

	Ji ber ku lêkolîneke cidî ya têkildarî tundiya li hemberî jinê nîne, tê texmînkirin ku asta tundiyê hîn zêde ye.

	&nbsp;

	Li gorî Rêxistina Mafên Mirovan a Kurdistanê meha Gulanê li Rojhilatê Kurdistanê herî kêm 10 jin hatin qetilkirin. Hate ragihandin ku heman mehê 9 jin neçarî xwekuştinê hatin hiştin.

	&nbsp;

	Li Rojhilatê Kurdistanê û Îranê sala 2024'an herî kêm 158 jin hatin qetilkirin, 16 hezar û 567 jin jî bûn mexdûrê tundiya li nava malê.

	&nbsp;