Kongra Star: Ji Parîsê heta Şêxmeqsûd komkujî didomin 

2026-01-10 16:08:27


	 

	NAVENDA NÛÇEYAN - Kongra Star şehîdên komkujiya Parîsê bi bîr anî û berxwedana dîrokî ya li Helebê silav kir.

	 

	Kongra Star a bajarê Dêrîk û Girkê Legê bi daxuyaniyekê êrişên komên çete yên girêdayî hikumeta demkî ya Sûriyeyê ya li ser taxên Şêxmeqsûd û Eşrefiyê şermezar kirin, her wiha şehîdên Komkuijya Parîsê bi bîr anîn.

	 

	Daxuyanî li Qada Şehîd Xebat a bajarê Dêrîkê ji aliyê hevserokê Partiya Yekîtiya Demokratîk a Kantona Cizîrê, Ayhan Murad ve hate xwendin.

	 

	Di daxuyaniyê de hate gotin ku bîranîna Sakîne Cansiz û hevalên wê Fîdan Dogan û Leyla Şaylemez bûn sembola berxwedana jinên azad û gelên Kurd wê her di dilê me de bijîn.

	 

	Kongra Star di derbarê taxên Şêxmeqsûd û Eşrefiyê de jî wiha got: “Komên çete û dewleta Tirkiyê sucên şer didin meşandin.”

	 

	Di daxuyaniyê de hate diyarkirin ku ev êrîş dê îradeya gel neşkîne û piştgiriya xwe ji bo berxwedana gelê Helebê diyar kirin.

	 

	Her wiha bang li rêxistinên navneteweyî û mirovî, Neteweyên Yekbûyî jî hat kirin ku bi berpirsiyariyên xwe rabin.