Şandeya ji Başûr serdana Rojava kir   

2026-01-29 20:38:22


	 

	NAVENDA NÛÇEYAN – Şandeyeke ji Başûrê Kurdistanê serdana Rojava kir peyama hevgitina yekitiyê dan.

	 

	Di çarçoveya pêşxistina têkiliyan û girîngîdayîna sekna li kêleka Kurdên Rojava û piştevaniya têkoşîn û destkeftiyên wan nexasim li gel pêşdeçûnên heyî de, îro şandeyek ji Başûrê Kurdistanê gihişt Rojava.

	 

	Şande ji Seroka Weqfa VIM Lava Hîkmet Mihemed, şêwirmendên Weqfê Nazdar Mihemed Seîd û Hogir Cafer, endamên Weqfê Cemîl û Karawan Kakil Mihemed, Zana Elî Nûrî, Hawkar Cafer, Hawbeş Dara Mihemed, Mîran Mihemed Mehmûd, Daban Ebû Bekir Omer û Biryar Ebû Bekir Ebîr pêk hat.

	 

	Nûnerên ji Kongra Star, meclis, deste û tevgerên jinan li Rojava bi şandeyê re bûn.

	 

	Şandeyê bi sedana Pakrewangeha Şehîd Delîl Saroxan a bajarê Qamişloyê dest bi gera xwe kir. Endam û rêveberên Meclisa Malbatên Şehîdan ew pêşwazî kir.

	 

	Şandeyê di nava gorên endamên YPJ, YPG û QSDˊê de yên ku di têkbirina çeteyên DAIŞˊê de hatin qetilkirin geriya.

	 

	Li pakrewangehê, hevserokê Meclisa Malbatên Şehîdan Rêzan Gulo bixêrhatina şandeyê kir û girîngî da hevgirtina gelê kurd di vê qonaxa çarenûsî û dîrokî de.

	 

	Rêzan RGulo helwestên yekitî û hevgirtinê yên gelê Kurd di parastina Şengal, Kerkûk û Kobanê de silav kirin.