Rêxistina Mafên Mirovan bîlançoya meha Çile aşkera kir  

2026-02-02 00:29:51


	 

	NAVENDA NÛÇEYAN - Rêxistina Mafên Mirovan a Efrîn-Sûriye bîlançoya sûc û binpêkirinên ku çeteyên hikumeta demkî û DAIŞ’ê yên li dijî taxên Kurdan ên Helebê, Herêma Bakur û Rojhilatê Sûriyeyê kirine aşkera kir.

	 

	Rêxistina Mafên Mirovan a Efrîn-Sûriye bîlançoya binpêkirin û sûcên çeteyên hikumeta demkî, DAIŞ’ê yên di meha Çileyê de li taxên Helebê, Bakur û Rojhilatê Sûriyeyê kirine parve kir.

	 

	Sûcên qetilkirinê yên li Efrînê:

	 

	*4 jin hatin qetilkirin, bêyî ku kujer û ajoyên qetilkirinê werin naskirin.

	 

	*Ciwanek li Tebqayê hat qetilkirin, serê wî ji gewde hat birîn.

	 

	*Welatiyek dema ji Tebqayê ji ber êrişan berê xwe dide Efrînê hat qetilkirin.

	 

	*Welatiyek din di dema koçberiya ji Reqayê de hat qetilkirin.

	 

	Heleb

	 

	*Di êriş û topbaranên li dijî taxên Şêxmeqsûd û Eşrefiyê ji hêla çeteyên hikumeta demkî ve zêdetirî 1200 kes hatin qetilkirin, ji wan 100 kes hatin tespîtkirin.

	 

	*Pitikek ji ber kişandina gaza îsotê di Nexweşxaneya Şehîd Xalid Fecir a Helebê de li Hesekê jiyana xwe ji dest da.

	 

	*Li gorî tibî şerîî, hîna zêdetirî 270 cenaze di berada tibî ya li taxa Cib El Qubê ya Helebê de ne. Hin jî bêyî agahiya malbatên wan li goristana Niqêrîn a Nû hatin definkirin.

	 

	Kobanê

	 

	*14 kes di nav de 12 kes ji du malbatên ji Reqayê koçber dikirin hatin qetilkirin.

	 

	*5 kes ji ber topbarana li gundewarê Kobanê hatin qetilkirin.

	 

	*Parêzerek di koçberiya ji Reqayê de hat qetilkirin.

	 

	*Li Efrînê 3 xort û keçkek hatin revandin.

	 

	*Li Şêxmeqsûd û Eşfriyê jî zêdetirî 2 hezar kes di nav de jin û zarok hatin revandin.

	 

	Til Hasil

	 

	*Parêzerek dema diçû Helebê hat revandin, piştî 3 rojan hat berdan.

	 

	*2 jin ji ber koçberiya ji Tebqa ber bi Hesekê ve birîndar bûn.

	 

	*Zêdetirî 150 kes di nav de jin û zarok ji ber topbaran û pevçûnan birîndar bûn.

	 

	*3 zarok ji ber topbaranê li gundewarê Kobanê birîndar bûn.

	 

	*7 kes di nav de jin û zarok birîndar bûn.

	 

	Ev bîlanço ne giştî ye, ji ber ku astengî hene ku xwe bigihînin gelek herêman, tenê ev agahî hatin bidestxistin.”