
Rapora Akademiya Jineolojiyê (2)

2026-02-11 09:06:10


	&nbsp;

	Li dijî jinan êrîşeke sîstematîk pêk hat

	&nbsp;

	NAVENDA NÛÇEYAN- Li gorî rapora Rojava ya Akademiya Jineolojiyê, HTŞ, DAIş û hêzên bi piştgiriya Tirkiyeyê, li Bakur û Rojihilatê Sûriyeyê destkeftiyên jinan hedef girtine; li hember jinên YPJ’î îşkence, înfaz û li hember saziyên jinan sûcên şer hatine kirin.

	&nbsp;

	Di rapora Rojava ya Akademiya Jineolojiyê de, hat diyarkirin ku &nbsp;di navenda êrîşên li dijî Bakur û Rojhilatê Sûriyeyê hatiye meşandin de destkeftiyên jinan hene. Li gorî raporê HTŞ, DAIş û çeteyên bi piştgiriya Tirkiyeyê, hedefa wan ne tenê leşkerî ye, şoreşa bi pêşengiya jinan hedef hatiye girtin.

	&nbsp;

	Li gorî raporê bi taybet jinên YPJ’î hedef hatine girtin û wiha hate gotin: “Şervanên jin ên hatine girtin îşkece li wan hatiye kirin, porê wan hatiye birîn, bedena wan hatiye teşhîrkirin û hatine Înfazkirin. &nbsp;Ev pêkanîn rêbazeke şer a sîstematîk a ku berxwedan û nasnameya jinan hedef digire ye.”

	&nbsp;

	Êrîşên îdeolojîk yên li dijî bedena jinê

	&nbsp;

	Akademiya Jineolojiyê, destnîşan kir ku ev êrîşên li dijî jinên ne bûyerên munferîtin wiha hate gotin: “Şervanên YPJ’ê yên piştî hatin înfazkirin bedena wan hatiye teşhîrkirin. Ev hem sûcê şer e hem jî sûcê mirovahiyê ye. Divê ev di vê çarçoveyê de bê nirxandin. Êrîşên li dijî jinan nasnameya civakî û neteweyî a jinên Kurd hedef digire. Di heman demê de jinên Ereb yên herêmê jî hedef hatine girtin.”

	&nbsp;

	Saziyên jinan hatin talankirin, hilweşandin

	&nbsp;

	Di raporê de hat destnîşankirin ku saziyên jinan yên Tebqa û Reqayê hedef hatine girtin û avahiya Meclîsa Jinan a Zenobiya hatiye hilweşandin, talankirin, belge û mohrên aydê rêxistinên jinan hatine talankirin, Navenda Lêkolînê ya Jîneolojiyê hatiye talankirin, peyker sembolên berxwedana jinan hatine şikestin.

	&nbsp;

	Akademiyê diyar kir ku armanca van êrîşan paqijkirina bîra têkoşîna jinan, ji qadên cemawerî durxistina jinane û veguhertina civakê ye.

	&nbsp;

	‘Ev êrîş ne tenê li dijî jinan li hember civakê ye’

	&nbsp;

	Di berdewamiya raporê de hat diyarkirin ku modela jiyana azadixwaz a jinan ya li Bakur û Rojhilatê Sûriyeyê hatiye avakirin, pergala serdest ya mêr û mîlîtarîst ditirsîne û ji ber vê jî êrîşên li hember jinan ne tenê li hember jinan e li hember civakê ye û parçeyeke şerê îdeolojîk yê ku jiyana hevpar a gelan hedef digire ye.

	&nbsp;

	Her wiha bang hat kirin ku divê di çarçoveya hiqûqa navneteweyî de ev êrîş bên lêpirsînkirin û hişyariya bêdengiya li dijî sûcan, zemîna berdewamkirina van sûcan ava dike, kir.&nbsp;