Li Amedê li dijî tundiya li ser jinan çalakî 

2026-11-15 16:09:07


	 

	AMED - Di xwepêşandana zincîra jinan de ku ji aliyê DAKAP û Tora Dijî Tundiyê ya Amedê ve di çarçoveya 25'ê Mijdarê de hate lidarxistin, wêneyên jinên ku hatine kuştin hatin hilgirtin. Berdevka Meclîsa Jinan a DEM Partiyê Halide Turkoglu di çalakiyê de axivî û got, "Dijberê pergala serdestiya mêran têkoşîna me ya jinan a rêxistinkirî ye."

	 

	Bi pêşengiya Platforma Jinan a Dîcle Amed (DAKAP) û Tora Têkoşîna li dijî Tundiyê ya Amedê, di çarçoveya 25'ê Mijdarê, Roja Têkoşîna li dijî Tundiya li ser Jinan de, bi dirûşmeya "Em ji bo jiyana xwe di zincîra jinan de dibin yek" li ber Mizgefta Ulu xwepêşandanek zincîrî ya jinan hate lidarxistin. Berdevka Meclîsa Jinan a Partiya Wekhevî û Demokrasiyê ya Gelan (DEM Partiyê) Halide Turkoglu, hevşaredar, rêxistinên jinan û gelek kesên din beşdarî çalakiyê bûn. Di xwepêşandanê de, ku pankartek bi nivîsa "Cinayetên jinan siyasî ne" hate hilgirtin, wêneyên jinên ku hatine kuştin hatin hilgirtin û dirûşmeyên wekî "Bijî berxwedana jinan", "Jin, jiyan, azadî" û "Bijî têkoşîna jinan" hatin berzkirin.

	 

	'Niha dema têkoşîna rêxistinkirî ya jinan e'

	 

	Berdevka Meclîsa Jinan a Partiya Wekhevî û Demokrasiyê ya Gelan (DEM Partiyê) Halide Turkoglu, di xwepêşandanê de axivî û got, "Jin li malên xwe, li kolanan û li cihên kar tên kuştin. Jin hedefa tundûtûjiyê ne. Newekhevî di şexsê jinan de zêde dibe. Dema ku hişmendiya serdest a mêran ku jinan înkar dike tundûtûjiyê gur dike, her kes dibe hedefa tundûtûjiyê. Em dixwazin bi keda xwe hebin.  Aştiya mayînde bi têkoşîna rêxistinkirî ya jinan tê. Divê em ji îro pê ve pêşerojê ava bikin û têkoşînê mezin bikin." 

	 

	Xwepêşandan, bi piştevaniya jinên derdorê bi dirûşmeya "Jin, jiyan, azadî"  bi dawî bû.