AMED/WAN - Nobeta Edaletê ya bi çarçoveya kampanyaya "Ji bo Abdullah Ocalan azadî ji meseleya kurd re çareseriya siyasî" hatibû destpêkirin, dewam dike. Di Nobeta Edaletê de peyama 'têkoşîna li dijî tecrîdê' hat dayin. 

 

Li Amedê bi pêşengiya Komeleya Alîkariyê ya Malbatên Girtî (TUAY-DER) ya Amedê, Nobeta Edaletê ya bi çarçoveya kampanyaya "Ji bo Abdullah Ocalan azadî ji meseleya kurd re çareseriya siyasî" hatibû destpêkirin, dewam dike. Nobet li avahiya DBP'ê ya Amedê di roja 98'an de dewam dike. Di Nobeta Edaletê de peyama 'têkoşîna li dijî tecrîdê' hat dayin. 

 

Çalakvanên nobetê bi berdilkên  “Tecrîd sûcê mirovahiyê ye” cihê xwe yê di nobetê de girtin. Li cihê nobetê pankarta "Ji bo avakirina jiyaneke azad em tecrîdê têk bibin, bibin dengê zindanan" hat daliqandin. 

 

Di nava rojê de serdanên ji bo çalakiyê dewam kirin. Her wiha di çalakiyê de dirûşma "Bijî berxwedana zindanan" hat berzkirin. 

 

Wan 

 

Li Wanê jî bi çarçoveya heman kampanyayê bi pêşengiya TUHAY-DER'ê Nobeta Edaletê di roja 95'an de dewam kir. Rêxistina DEM Partiyê û gelek kes tevli nobeta li avahiya DBP'ê ya Wanê dewam dike, bûn. 

 

Di çalakiya nobetê de ji bo kesên di têkoşîna azadiyê de jiyana xwe ji dest dane rêz hat girtin. 

 

Çalakiyê bi dirûşmên  “Bijî Berxwedana Zindanan”, “Şehid Namirin” û bi gotina stranan dewam kir.