ENQERE-2'yemîn rûniştina Doza Qirkirina Siyasî ya Kobanê di roja 3'yemîn de bi rêzkirina daxwazên parêzeran dest pê kir. 

 

Danişîna duyemîn a Doza Kobanê ku rêveberên HDP’ê jî di nav de 28 jê girtî 108 siyasetmedarên ji siyaseta kurd tên darizandin di roja sêyemîn de bi parastinan berdewam dike. Danişîn li 22’yemîn Dadgeha Cezayê Giran a Enqereyê ku li Kampûsa Girtîgeha Sîncayê ye tê lidarxistin. Gelek parlamenter û ji bajarên cuda gelek parêzer beşdarî rûniştinê bûn. Pisporên ji Delegasyona Tirkiyeyê ya Yekîtiya Ewropayê jî dişopînin. Her ji nûnertiyên diplomatîk ên Yekîtiya Ewropayê jî rûniştinê dişopînin. 

 

Bi hinceta "talîmata teqez a heyeta dadgehê heye" temaşevan û şêwirmendên parlamenteran negirtin eywana rûniştinê. Temaşevan û şêwirmendên parlamenteran ji bo beşdarî rûniştinê bibin girtin eywaneke din. 

 

Selahattin Demirtaş bi mazereta ew ê ji bo dozên din amadekariyê bike beşdarî rûniştinê nebû. Sebahat Tuncel jî bi hinceta ew ê beşdarî rûniştineke din a doza li Meletê didome bibe beşdar nebû. Figen Yuksekdag, Gultan Kişanak, Gulser Yildirim, Zeynep Olbeci, Emine Ayna, Ali Urkut, Nazmi Gur, Cihan Erdal, Can Memiş, Ayhan Bilgen, Meryem Adibelli, ji girtîgeha lê girtîne, Sirri Sureyya Onder jî ji Edliyeya Çaglayana Stenbolê bi rêya  SEGBÎS'ê beşdarî rûniştinê bûn. 

 

Aktivîsta Tevgera Jinên Azad (TJA)  û parlamentera HDP'ê ya serdema berê Ayla Akat Ata, Berdevkê Partiya HDP'ê yê serdema berê Gunay Kubilay, parlamenterên serdema berê yên HDP'ê Emine Beyza Ustun, Îbrahim Binici, Endamê MYK'ê Alp Altınors, endamên MYK'ê yên serdema berê Pervin Oduncu, Ayşe Yagcı, Bircan Yorulmaz, Berfin Ozgul Kose, Dilek Yaglı, Bulent Parmaksiz, Zeki Çelik û Îsmail Şengul li eywana rûniştinê amade bûn. 

 

Rûniştina bi tespîta nasnameyê dest pê kir bi rêzkirina daxwazên parêzeran didome.