
Rojnameger Rabîa Onver îfade da

2024-10-10 16:24:40


	&nbsp;

	&nbsp;

	&nbsp;

	WAN - Ji ber nûçeyên têkildarî fihûş û tiryakê derheqê nûçegihana me Rabîa Onverê de lêpirsîn hate vekirin. Rabîa îfade da.&nbsp;

	&nbsp;

	Dozgeriya Komarê ya Colemêrgê ji ber nûçeyên têkildarî fihûş û tiryakê yên li bajar, derheqê nûçegihana JINNEWS’ê Rabîa Onver de bi îdiaya “Agahiyên xelet bi gel re parve kiriye”lêpirsîn da destpêkirin. Rabîa, tevî parêzerên xwe çû Midûriyeta Emniyetê ya Wanê û li ser talîmatê îfadeyê wê hate girtin.&nbsp;

	&nbsp;

	Tenê derheqê dozgerê navê wî di nûçeyan de derbas dibû de pirs ji Rabîa Onver hatin kirin. Onver jî got ku rojnameger e û armanca lêpirsînê bêdengkirina çapemeniya azad e.&nbsp;

	&nbsp;&nbsp;

	Piştî karûbarên îfadedayinê, Komeleya Rojnamegerên Jin a Mezopotamyayê (MKG), Komeleya Rojnamegeran a Dîcle Firatê (DFG), parlamenterên DEM Partiyê, rêxistinên civaka sivîl, rêveberên bajar ên DEM Partî û DBP’ê li pêşiya Baroya Wanê daxuyanî dan.&nbsp;

	&nbsp;

	Hevseroka Şaxa OHD’a Wanê Mehtap Işik got ku lêpirsîna hatiye vekirin derhiqûqî ye û ji van lêpirsînan tê armanckirin ku pêşiya çapemeniya azad bigirin.&nbsp;

	&nbsp;

	Rojnameger Rabîa Onver jî ev tişt anî ziman: “Em dizanin ku dixwazin van nûçeyan veşêrin. Dixwazin dengê çapemeniya azad qut bikin. Lê weke çapemeniya azad em ê dev ji çêkirina van nûçeyan bernedin. Ev zext dê nekarin pêşiya me bigirin. Çapemeniya azad nayê bêdeng nabe.”&nbsp;

	&nbsp;

	Herî dawî jî nûçegihana JINNEWS’ê Oznûr Deger axivî û got ku tişta tê darizandin heqîqet bi xwe ye. Oznûr, da zanîn ku Rabîa Onver bi nûçeyên xwe nîşan da ku fihûş û tiryak bi destê dewletê tê kirin û dewlet li şûna faîlan bidarizîne hewl dida wan biparêze.&nbsp;

	&nbsp;