
'Navnîşan Îmrali ye, muxatab Abdullah Ocalan e'

2024-10-13 15:13:27


	&nbsp;

	
		NAVENDA NÛÇEYAN - Rêxistina DEM Partiyê ya Enqere, Edene, Mêrsîn û Îzmîrê li dijî qedexekirina tevlîbûna mîtînga li Amedê daxuyanî da û got: "Navnîşana aştiyê Îmrali ye, muxatab Abdullah Ocalan e."
	
		&nbsp;
	
		Rêxistina bajare Enqereyê ya Partiya Wekhevî û Demokrasiyê ya Gelan (DEM Partî) têkildarî astengkirina &nbsp;mîtînga li Amedê ya li dijî tecrîdê bertek nîşan da. Li ber avahiya DEM Partiyê daxuyanî hat dayin.&nbsp;
	
		&nbsp;
	
		Di daxuyaniyê de yek ji Rêveberên DEM Partiyê ya Enqereyê Fahrettîn Durmaz diyar kir ku beriya çend rojan ji aliyê hêzên polîs û walitiyê ve bi hincetên curbecur hewl hat dayîn mîtînga azadiyê were astengkirin û got ew qebûl nakin û ev helwesta dijminane ye.&nbsp;
	
		&nbsp;
	
		Navnîşana aştiyê Îmrali ye
	
		&nbsp;
	
		Di dawiyê de Fahrettîn anî ziman ku navnîşana aştiyê Îmrali ye û wiha got: “Divê demildest tecrîd bê rakirin. Tecrîd sûcê mirovahiyê ye. Li gel hemû astengiyan gelê me li dijî tecrîd û asîmîlasyonê dimeşe, hûn nikarin wan asteng bikin. Em dubare dikin ku em di şîara xwe ya aştiya di siberoja azad de israr dikin. Em ê niha jî li van xakan ji şer re bêjin na, aştiyê bidomînin. Dewlet dewletbûna xwe ne bi girtina rêya aştiyê, bi girtina rêya şer bila bike."
	
		&nbsp;
	
		Daxuyaniya çapemeniyê bi dirûşma "Ji tecrîdê re na, aştî niha" bi dawî bû.
	
		&nbsp;
	
		Îzmir
	
		&nbsp;
	
		Rêxistina Bajarê Îzmîrê ya Partiya Wekhevî û Demokrasiyê ya Gelan (DEM Partî) têkildarî astengkirina Mîtînga Azadiyê li avahiya partiyê civîneke çapemeniyê li dar xist. Parlamentera DEM Partiyê ya Îzmîrê Burcugul Çubuk, nûnerên gelek saziyan û gelek kes beşdarî civînê bûn. Hevseroka DEM Partiya Îzmîrê Vezan Karabulut der barê astengiyên li Îzmîrê de agahî da û got ew van astengiyan şermezar dikin.&nbsp;
	
		&nbsp;
	
		Ji Amedê re silav şandin
	
		&nbsp;
	
		Hevseroka Giştî ya DEM Partiyê ya bajarê Îzmîrê Duzgun Kuçuk ku piştre daxuyanî da, bi bîr xist ku Rêberê PKK'ê Abdullah Ocalan beriya 26 salan bi komployeke navneteweyî radestî Tirkiyeyê û tecrîdê hatiye kirin. Duzgun, da zanîn ku bi komployê daxwaza aştî, edalet û azadiya pirsgirêka Kurd kiriye hedef û diyar kir ku bi taybetî azadî, hebûn, pêşeroj û dîroka gelê Kurd hatiye hedefgirtin. Duzgun meşa azadiyê ya li Amedê ya ji bo bidawîkirina tecrîda girankirî ya li ser Rêberê PKK'ê Abdullah Ocalan û misogerkirina azadiya wî silav kir û astengî û êrîş şermezar kir.
	
		&nbsp;
	
		Edene
	
		&nbsp;
	
		Daxuyaniya ku Rêxistina bajarê Edeneyê ya Partiya DEM'ê xwest li ber avahiya partiyê bide ji aliyê polîsan ve hat astengkirin.&nbsp;
	
		&nbsp;
	
		Polîsan avahiya partiyê dorpêç kirin û destûr nedan ketin û derketinê. Kesên li avahiya partiyê hatin xwarê bi sloganên "Her der Amed e, her der berxwedan e", "Tecrîd nabe, êdî aştî", "Bijî berxwedana zindanan" , "Li dijî faşîzmê mil bi mil", "Em ê bi ser bikevin" berz kirin û astengiya polîsan protesto kirin. Piştre endamên partiyê li ber dorpêça polîsan a li ber deriyê avahiyê daxuyanî dan.
	
		&nbsp;
	
		Di daxuyaniyê de hevserokê bajêr Seyfettîn Aydemîr axivî û diyar kir ku Walîtiya Amedê ji ber tirsa gel ji hêza rêxistinkirî mîtîng qedexe kiriye û got, “Li dijî tecrîdê hembêzkirina mîtînga azadiyê tê wateya hembêzkirina aştî, azadî û aştiyê. Tecrîda li ser Birêz Ocalan îro di her aliyê jiyanê de bandorê li me dike. Heta ku pergala Îmraliyê ya ku veguheriye tecrîda civakî bi dawî nebe, pêşeroja nirxên demokrasî û azadiyê ne dê di bin tehdîdê de bin."
	
		&nbsp;
	
		Piştî daxuyaniyê çalakî bi dawî bû.
	
		&nbsp;
	
		Mêrsin&nbsp;
	
		&nbsp;
	
		Li Mêrsînê li ber Rêxistina Navçeya Akdenîz a DEM Partiyê daxuyaniyek hat dayîn.&nbsp;
	
		&nbsp;
	
		Hevseroka Herêmê Bedriye Kuş li vir axivî, berxwedana Amedê silav kir. Piştre Hevserokê bajêr Reşat Aşan jî bertek nîşanî astengiyan da.
	
		&nbsp;
	
		Piştî axaftinan çalakiya rûniştinê hate lidarxistin.
	
		&nbsp;
	
		&nbsp;
	
		&nbsp;


	&nbsp;