
Rojîn Kabaiş ji aliyê jinan ve hate definkirin 

2024-10-16 09:52:42


	&nbsp;

	&nbsp;

	AMED - Cenazeyê Rojîn Kabaiş a ku piştî 18 rojan cenazeyê wê li peravê Gundê Mollakasimê hat dîtin, li Goristana Yenîkoyê hat definkirin.

	&nbsp;

	Cenazeyê Rojîn Kabaiş a 21 salî ya xwendekara pola yekem a Fakulteya Perwerdehiyê ya Zanîngeha Wanê Yuzuncu Yıl (Van YYÛ) Beşa Perwerdehiya Pêşdibistanê bû û 18 roj piştî windabûna wê li Wanê li Gundê Mollakasim hatibû dîtin, duh êvarê piştî otopsiyê teslîmî malbatê hat kirin.&nbsp;

	&nbsp;

	Cenaze serê sibehê gihişti Amedê û li Goristana Yenikoyê ya Rezana Amedê hat definkirin.&nbsp;

	&nbsp;

	Jinan cenaze hilgirtin

	&nbsp;

	Dema jinan cenaze hilgirtibûn ser milên xwe, rêveberên bajêr û navçeyan ên Partiya Wekhevî û Demokrasiyê ya Gelan (DEM Partî), Cîgira Hevseroka Giştî ya ESP’ê Beycan Taşkiran, Tevgera Jinen Azad (TJA), Komeleya Jinan a Rosa, Hevşaredarên Bajarê Mezin a Amedê, di nav de, cenaze hilgirtin. Hevşaredara Şaredariya Bajarê Mezin a Wanê Neslihan Şedal û gelek welatî beşdar bûn.

	&nbsp;