
Li Dêrsimê qeyûm û binçavkirin hatin protestokirin 

2024-11-27 14:25:40


	&nbsp;

	&nbsp;

	&nbsp;

	DÊRSIM - Platforma Ked û Demokrasiyê ya Dêrsimê bertek nîşanî tayînkirina qeyûm û binçavkirinan da û wiha hat gotin: "Tayînkirina qeyûman, xesp û derbeyeke li dijî îradeya gel e. Divê ev operasyonên derhieqûqî bên bidawîkirin û girtî û binçavkirî tavilê bên berdan."

	&nbsp;

	&nbsp;Platforma Ked û Demokrasiyê ya Dêrsimê li dijî tayînkirina qeyûm a li Şaredariya Dêrsimê, meşeke protestoyî li dar xist. Girse li pêşiya Sûka Binerd hate gel hev û bi pankarta “Em xwedî li îradeya xwe derdikevin û binçavkirin, girtin û zext nikarin me bêzar bikin”, bi çepik û dirûşman ber bi Şaredariya Dêrsimê ve meşiyan. Endamên platformê gelek caran dirûşma “Em ê bi berxwedanê bi ser kevin” berz kirin û li vir daxuyanî dan.&nbsp;

	&nbsp;&nbsp;

	Li ser navê platformê Ergîn Tekîn axivî û got ku tayînkirina qeyûm a li Şaredariya Dêrsimê berdewamiya êrişa dîrokî ya li dijî Dêrsimê ye. Ergîn Tekîn, bal kişand ser Komkujiya Dêrsimê û êriş û zextên li ser Dêrsimê û got ku heman êriş îro bi awayên cuda tên domandin. Tekîn, got ku tevî hemû êriş û zextan jî xelkê Dêrsimê li ber xwe dide û dê kesek nekare îradeya gelê Dêrsimê bişikîne. Ergîn Tekîn, anî ziman kul îktîdadra AKP’ê hewl dide têkçûna xwe ya di hilbijartinên 31’ê adarê de bi belavkirina muxalefetê û binçavkirinan veşêre.&nbsp;

	&nbsp;&nbsp;

	Bi domdarî Ergîn Tekîn anî ziman ku bi tayînkirina qeyûm re îradeya gel tune hatiye hesibandin û AKP vê rêbazê ji bo bêzarkirinê bi kar tîne. Ergîn Tekîn, wiha pê de çû: “Bi girtin û binçavkirinan dixwazin gel bêdeng bikin.” Ergîn Tekîn, kesên ji ber çalakiyên protestoyî hatin girtin bi bîr xist û got ku ev yek hewldana cezakirina gel e.&nbsp;

	&nbsp;

	Ergîn Tekîn, da zanîn ku dê polîtîkaya îktîdarê bi ser nekeve û wiha axivî: “Mîna berê dê îro jî xelkê Dêrsimê xwedî li îradeya xwe derkeve. Cezayên hefsê yên li Cevdet Konak û Mûstafa Sarigul hatin birîn û cezayê hefsa malê yê dayin Bîrsen Orhan, nîşan dide ku daraz bûye amûra polîtîkayên zextê yên îktîdarê. Ev ceza, bi mebesta bêzarkirina têkoşîna demokratîk a gel tên kirin. Tayînkirina qeyûman, xesp û derbeyeke li dijî îradeya gel e. Divê ev operasyonên derhieqûqî bên bidawîkirin û girtî û binçavkirî tavilê bên berdan.”&nbsp;

	&nbsp;

	Parlamenterê DEM Partiyê yê Çewligê Omer Faruk Hulakû jî anî ziman ku Seyîd Riza û hevalên wî li hemberî zilmê serî netewandin û xelkê Dêrsimê jî dê serî netewîne. Hulakû, anî ziman ku qeyûm talan, dizî û xesp e û xwest ku bêhiqûqiyên heyî tavilê bên bidawîkirin.&nbsp;

	&nbsp;

	Daxuyanî bi çepikan bi dawî bû.&nbsp;