
Mîhrîcana 4'ê Nîsanê bi gerandina govendê dest pê kir

2025-04-03 11:26:01


	&nbsp;

	&nbsp;

	&nbsp;

	RIHA – Mîhrîcana ku dihat plankirin bi wesîleya 76’emîn rojbûna Rêberê Gelê Kurd Abdullah Ocalan saet 13.00’ê de bi dirûşmeya “Bi Rêbertiya azad re civaka demokratîk” destpê bike, bi gerandina govendê destpê kir.

	&nbsp;

	Festîvala ku wê îro bi boneya 76’emîn rojbûna Rêberê Gelê Kurd Abdullah Ocalan li Xelfetî bê lidarxistin, beriya dema xwe ya fermî dest pê kir. Beriya mîhrîcana ku tê plankirin saet di 13.00’ê de li Parka 4 Nîsanê ya li navenda navçeyê destpê bike, welatî li ber avahiya Partiya Wekhevî û Demokrasiyê ya Gelan (DEM Partî) ya Xelfetiyê hatin gel hev û govend gerandin.

	&nbsp;

	Girseya gel a li gel stranên Kurdî govend gerand, wê heta dema festîvalê li avahiya navçeyê li bendê bin. Piştre jî wê ji avahiya navçeyê heta qada festîvalê, Parka 4’ê Nîsanê meşek girseyî bê lidarxistin.

	&nbsp;

	Ji aliyekî din ve, bi hezaran kesên ku ji parêzgehên cuda yên Kurdistan û Tirkiyeyê ji bo beşdarbûna festîvalê bi rê ketin, bi rêyên cur bi cur xwe gihandin navçeyê. Li qada festîvalê amadekariyên pêwîst hatin kirin.

	&nbsp;

	Di çarçoveya mîhrîcana ku saet di 13.00'ê de dest pê dike de wê konser, panel û axaftin bên lidarxistin. Endamên Meclisa Ciwanên DEM Partiyê ku 3 roj in bi dirûşmeya “Em bi Civaka Demokratîk ber bi azadiyê ve dimeşin”, wê saet di 16.00’an de beşdarî mîhrîcanê bibin.

	&nbsp;

	Festîval wê sibehê jî berdewam bike. Çalakî wê saet di 13.00’ê de bi pêşengiya Tevgera Jinên Azad (TJA) bi meşa ber bi Amarayê ve bidome.

	&nbsp;