Amîna Zîkîrî: Ev pêvajo dê bandorê li her aliyê Kurdistanê bike 

2025-12-08 09:45:50


	 

	STENBOL - Amîna Zikirî ku beşdarî Konferansa Aştî û Civaka Demokratîk a Navneteweyî bû, got: "Ev pêvajo ji bo hemû beşên Kurdistanê û ji bo pêşerojê pir girîng e. Bandorên wê yên pir girîng hene, ji pêvajoyên din cuda ne û bandorek girîng li ser hemû beşên Kurdistanê û li ser berdewamiya pêvajoya aştiyê dike."

	 

	Partiya Wekhevî û Demokrasiyê ya Gelan (DEM Partî) li Stenbolê “Konferansa Aştî û Civaka Demokratîk a Navneteweyî” li dar xist. Pêvajoya Aştî û Civaka Demokratîk ku Rêberê Gelê Kurd Abdullah Ocalan di 27’ê Sibatê de dabû destpêkirin, dê di konferansê de tevî tecrûbeyên cîhanê hat nîqaşkirin. Ji Baskê heta Efrîqeya Başûr, ji Sinn Feinê heta Ingilistanê, Qazaxistan û Belçîkayê dê gelek kes tev li konferansê bûn. 

	 

	Amîna Zîkîrî, nûnera Serokê berê yê Herêma Kurdistanê Mesûd Barzaniyê û endama Polîtburoya Partiya Demokrat a Kurdistanê (PDK), jî beşdarî konferansê bû. Amîna Zîkîrî ji ajansa me re axivî û bal kişand ser girîngiya konferansê. 

	 

	Amîna Zîkîrî diyar kir ku pêvajoya aştiyê li Tirkiyeyê bandorên cuda û girîngtir ji serdemên berê kiriye û banga Abdullah Ocalan a ji bo yekîtiya Kurdan û Kongreya Neteweyî jî bi erênî nirxand. Amîna Zîkîrî tekez kir ku motîvasyona sereke ew e ku mafên destûrî yên Kurdan bi awayekî qanûnî werin misogerkirin û ragihand ku Mesud Barzanî amade ye ku ji bo berjewendiyên bilind ên Kurdan her cûre piştgirî pêşkêş bike.

	 

	Berdewamiya pêvajoya aştiyê

	 

	Amîna Zîkîrî diyar kir ku serdana Mesûd Barzanî ya bo Cîzîrê hem ji bo wê û hem jî ji bo xelkê Bakur karekî hêja bû, destnîşan kir ku ev cara yekem e ku Mesûd Barzaniyê ji bo beşdarbûna çalakiyek çandî, ne ji bo çalakiyek siyasî, serdana Tirkiyeyê dike. Amîna Zîkîrî diyar kir ku pêvajoya li Tirkiyeyê di qonaxek girîng de ye û pêdivî bi xebata bêtir heye û wiha axivî, "Di sala 2013'yan de jî pêvajoyek hebû û ev pêvajo di sala 2024'an de dest pê kiriye û xebatek girîng li ser tê kirin. Ev pêvajo ji bo hemû beşên Kurdistanê û pêşerojê girîng e. Bandorek wê ya cuda û pir girîng ji pêvajoyên din heye û bandorek girîng li ser her beşek Kurdistanê û li ser berdewamiya pêvajoya aştiyê dike."

	 

	'Bandora Abdullah Ocalan girîng e'

	 

	Amîna Zîkîrî pirsên me yên derbarê nirxandina Mesûd Barzanî ya banga Abdullah Ocalan a ji bo yekîtiya Kurdan, daxwaza wî ya hevdîtinê bi wî re, nirxandina wî ya hewldanên ji bo "Kongreya Neteweyî" di navbera baskên cuda yên siyaseta Kurd de û perspektîfa KDP'ê ya li ser îhtîmala ji nû ve destpêkirina pêvajoya aştiyê li Tirkiyeyê de bersivandin û got: "Bandora Abdullah Ocalan girîng e û KDP girîngiyek mezin dide banga danîna çekan û piştgirî dide wê û diyar kir ku ev pêvajo bandorên girîng li ser hem Tirkiyeyê û hem jî Kurdistanê dike. Em bawer dikin ku aramiya Tirkiye, Kurdistan, Sûriye û Îranê rasterast bi hev ve girêdayî ye. Pêvajoya aştiyê ne pêvajoyek e ku yekser dest pê bike û biqede. Pêvajoyên weha sebirek girîng dixwazin. Piştî daxuyaniya Birêz Ocalan, Serok Barzanî jî pir erênî pêşwazî kir. Bi rastî, di pêvajoyên berê de li Tirkiyeyê li ser vê mijarê bi partiyan re nîqaş hatibûn kirin. Wê demê, Serok Barzanî di hevdîtinekê de bi HDP'ê re diyar kir ku pêkanîna pêvajoyeke wisa ya aştiyê li Tirkiyeyê bingeha pêşketinek pir girîng e. Wekî ku di peyama Serok Barzanî ya duh de jî hate dîtin, ew bi berdewamî radigihîne ku ew ê bi her awayî ji bo vê pêvajoyê pabendî Herêma Kurdistanê bibe û piştgiriyê bide wê, bi hemî çavkaniyên xwe beşdar bibe."

	 

	'Em amade ne ku hemû çavkaniyên xwe seferber bikin'

	 

	Emîna Zîkîrî, destnîşan kir ku Mesûd Barzanî pêşengiya peymanên Duhok û Hewlerê kir û diyar kir ku her du jî armanc ew bû ku li Rojavayê Kurdistanê yekîtiya Kurdan pêk bînin û di vê çarçoveyê de, misoger bikin ku Kurd mafên xwe yên destûrî û yasayî bi dest bixin û wiha dirêjî da axaftina xwe: "Hewlên di vî warî de berdewam in û gelek civîn hatine lidarxistin. Mazlûm Ebdî û Îlham Ehmed jî hatin Kurdistanê û civîn hatin lidarxistin. Her wiha bi ENKS'ê re jî civîn hene. Bi her du aliyan re jî civînên cuda û hevbeş hene. PDK bi tevahî piştgiriyê dide beşdariyên Serok Mesûd Barzanî, nemaze di derbarê rewşa Rojava de. Em dizanin ku ev pêvajoya berdewam, di bin serokatiya Birêz Ocalan û Birêz Erdogan de û bi piştgiriya Birêz Serok Barzanî, bandorek û girîngiyek jiyanî li ser Rojava heye. Herwiha, her pêşveçûn û pêşketinek di pêvajoya aştiyê ya li Tirkiyeyê de bandorek girîng li ser Rojava jî dike. Xwesteka me û hêviya me ew e ku ev pêvajo bi ser bikeve û bigihêje encamek sûdmend. Ez dixwazim careke din tekez bikim ku diyalog, danûstandin û yekîtiya têgihîştinê sê stûnên bingehîn ên avakirina lihevkirinek siyasî û têgihîştina hev in. Ji ber vê yekê, Rojava ne mecbûr e ku heman modela li Başûrê Kurdistanê bişopîne. Lêbelê, motîvasyona bingehîn li Rojava divê garantiya qanûnî ya mafên destûrî yên Kurdan be. Divê ev maf di destûra bingehîn a Sûriyeyê de werin bicîhkirin. Pêşniyara Serok Barzaniyê ji bo hemû partiyên siyasî yên li Rojava, tevî Mezlûm Ebdî û ENKS'ê, ew e ku maf, qanûn û hemwelatîbûna destûrî ya hemû Kurdên li Rojava bi rêya lihevkirinê di Destûr û qanûnan de werin bicîhkirin. Ev yek pêdivî bi avakirina têgihîştineke hevpar ji nakokî, pevçûn û tawîzan wêdetir û nîqaşkirina meseleyê bi vê rêbazê heye. Em ji vê perspektîfê nêzî meseleyê dibin û girîngiyeke mezin didinê. Bi îzna Xwedê, ev pêvajo li Rojavayê Kurdistanê bi ser bikeve û Kurd bigihêjin mafên xwe. Ji ber vê yekê, wekî gelê Başûrê Kurdistanê, em amade ne ku hemû çavkaniyên xwe seferber bikin da ku serkeftina vê pêvajoyê misoger bikin."

	 

	'Aştî bi diyalog û danûstandinan mimkun e' 

	 

	Amîna Zîkîrî, bi bîr xist ku şanda DEM Partiyê dema ku serdana Mesûd Barzaniyê kir peyama Abdullah Ocalan bi nivîskî pêşkêş kir û got wiha bi lêv kir: "Serokê birêz di wê hevdîtinê de bersiva Birêz Ocalan da û diyar kir ku ew ê hemû piştgiriyê bidin pêvajoyê û ew girîngiyek mezin didin vê pêşveçûnê. Serok Barzaniyê diyar kir ku ew amade ye ku hemû piştgiriyê bide pêvajoya aştiyê û piştrast bike ku Kurd dikarin mafên xwe bi dest bixin û bi mafên xwe re di aştiyê de bijîn. Ew her carê vê yekê tekez dike. Bi rastî, heman xal di peyama ku duh xwend de jî hate dubarekirin. Wî piştgiriya xwe ya berdewam ji bo pêvajoya aştiyê dubare kir û dê hîn bi tundtir berdewam bike. Wî dubare kir ku aştî bi diyalog û danûstandinan mimkun e. Bi heman awayî, Serok Barzanî dubare kir ku Kurdistan mala her Kurdekî ye û ew li gorî berjewendiyên bilind ên Kurdan tevdigerin û dê berdewam bikin û dê hemî piştgiriya pêwîst ji bo bidestxistina vê yekê peyda bikin."