
Karwanê birîndarên Şêxmeqsud û Eşrefiyê gihîşt herêmên xweser 

2026-01-11 10:05:48


	&nbsp;

	NAVENDA NÛÇEYAN - Di çarçoveya agirbesta qismî ya li taxên Şêxmeqsud û Eşrefiyê ya Helebê de, karwanê ku şehîd û birîndaran di anîn, gihîşt herêmên Rêveberiya Xweser û ji bo nexweşxaneyan hatin veguhestin.

	&nbsp;

	Bi agirbesta qismî ya êrişên li ser taxên Kurdan ên li Helebê, konvoya ji şehîd, birîndaran û endamên Hêzên Ewlekariya Hundirîn-Helebê pêk tê, gihîşt herêmên Rêveberiya Xweser û ji bo nexweşxaneyan hatin veguhestin.

	&nbsp;

	Çeteyên hikumeta demkî ya Sûriyeyê ku dewleta Tirk a dagirker wan perwerde dike, di 6’ê Çileyê de êriş li dijî taxên Şêxmeqsûd, Eşrefiyê û Benî Zêd ên dorpêçkirî danbû destpêkirin. Hêzên Ewlekariya Hundirîn-Heleb di nava 5 rojan de ji bo parastina sivîlan berxwedaniyek mezin nîşan da.

	&nbsp;

	Di encama êrişên çeteyan ên li ser van taxan de gelek &nbsp;kes şehîd û birîndar bûn.

	&nbsp;

	Piştî şerên dijwar şevê din (10 Çile) agirbestek demkî di navbera Hêzên ewlekariyê ya Şêxmeqsud û û Hikumeta Demkî de çêbû. &nbsp;

	&nbsp;

	Li ser agirbestê &nbsp;şehîd û birîndarên Helebê bi karwanekî seyareyan &nbsp;anîn herêmên xweser.

	&nbsp;

	Bi sedan şêniyên Bakur û Rojhilatê Sûriyeyê jî ku bi armanca piştgiriyê &nbsp;ketibûn ser rêya Helebê, li deriyê bajarê Dêr Hafirê yê Tebqayê, Karwan pêşwazî kirin. Saziyên Heyva Sor a Kurd ên herêmên Rêveberiya Xweser birîndar rakirin nexweşxaneyan.

	&nbsp;