
Pirtûka Şadiya Manapê ya ‘Av jî Dinivîse’ derket

2026-05-20 10:30:21


	&nbsp;

	NAVENDA NÛÇEYAN - Pirtûka Şadiye Manap a bi navê “Av jî Dinivîse” ji weşanên Aryenê derket.

	&nbsp;

	Pirtûka helbestan a Şadiye Manapê ya bi navê “Av jî dinivîse” ji weşanên Aryenê derket. Çapa pirtûkê ya yekem di Nîsana 2026’an de derket. Pirtûk ji 135 rûpelan û bi sedan helbestan pêk tê. Kêliyên di nava çar dîwarên girtîgehê û serpêhatiyên Şadiye Manapê, bûne hevrêyên rêzikên wê. Her helbest bi bêhna welat, hevaltî û azadiyê didin.&nbsp;

	&nbsp;

	Şadiye Manap, di helbesteke xwe de wiha dibêje:

	&nbsp;

	“Cimo dibêje:

	&nbsp;

	‘herin,

	&nbsp;

	Herin &nbsp;hevalno

	&nbsp;

	Rûyê we rêwiyê rojê

	&nbsp;

	Dilê we yê bêdawîtiyê ye

	&nbsp;

	Dibe ku bîstekê din xwîna me biherike vê axê

	&nbsp;

	An jî bedenên me

	&nbsp;

	Di pêlên ferêt ên şêt de werin hingavtin

	&nbsp;

	Lê zanibin ku

	&nbsp;

	Hûn berfînên nûbihara zemheriyê ne

	&nbsp;

	Şewata destpêkê ya dil in

	&nbsp;

	Ji xwînê dilopa ewil in

	&nbsp;

	Tovên ku pekiyane axê yên sifteh

	&nbsp;

	Dê li ser şopa we

	&nbsp;

	Bi êşa we haveyn bigirin

	&nbsp;

	Bi azadiya we re

	&nbsp;

	Azad bibe welatê me.”

	&nbsp;

	Şadiye Manap kî ye ?&nbsp;

	&nbsp;

	Şadiye Manap, di sala 1968’an de li gundê Xuşxuşkê yê bi ser navçeya Curnê Reş a Rihayê ji dayik bû. Li navçeya Serêkaniyê û li bajarê Dîlokê yê bakurê Kurdistanê jiya. Di sala 1991’ê de tev li refên Tevgera Azadiyê ya Kurd bû. Di sala 1992’yan de hate girtin û cezayê muebbedê lê hate birîn. Sih sal û heşt mehan di girtîgehê de ma. Şadiye Manap, piştî ji girtîgehê derketî di xebatên Tevgera Jinên Azad (TJA) de cih girt û xebatên wê didomin.&nbsp;