
Xwendekar û mamosteyên Kobanê ji bo mafê perwerdeya bi Kurdî bang kir

2026-09-07 15:42:53


	&nbsp;

	NAVENDA NÛÇEYAN - Di roja duyem a sala xwendinê ya nû de, li Kobanê bertekên li hemberî biryara Wezareta Perwerdeyê berdewam dikin.

	&nbsp;

	Li dijî biryara Wezareta Perwerdeyê ya hikumeta veguhêz a Sûriyeyê ya ku ji bo fêrbûna zimanê kurdî hefteyê 3 demjimêr veqetandine, îro li navçeya Şêranê ya Kobanê ji aliyê mamoste, xwendekar û malbatên xwendekaran ve daxuyaniyek hat dayîn.

	&nbsp;

	Daxuyanî bi zimanê kurdî ji aliyê mamoste Alya Mistefa û bi zimanê erebî jî ji aliyê mamoste Emel Xelîl ve hat xwendin.

	&nbsp;

	Di daxuyaniyê de hat gotin ku zimanê dayikê nasname û hebûna neteweyî ye, lewma mafê perwerdeya bi zimanê dayikê mafekî gerdûnî û mirovî ye.

	&nbsp;

	Mamoste û xwendekaran diyar kir ku "Sînordarkirina zimanê kurdî di sîstema pewredeyê de xizmeta hêviyên aştî, aramiya civakê û avakirina Sûriyeyeke nû û demokratîk nake.”

	&nbsp;

	Di daxuyaniyê de bang li hemû &nbsp;aliyên peywendîdar hat kirin ku vê biryarê betal bikin û sîstema perwerdeyê li ser bingeha wekhevî, pirrengî, pirzimanî û rêzgirtina li ber mafên hemû pêkhateyan, ji nû ve saz bikin.

	&nbsp;