NAVENDA NÛÇEYAN - Li peravên girava Samosê ya Yewnanistanê cenazeyên 2 zarok û jinên penaber hatin dîtin.

 

Yekîneyên Ewlehiya Peravên Yewnanistanê ragihand ku keştiyeke penaberan duh li Deryaya Egeyê noqî avê bûye û di encamê de 4 penaberan jiyana xwe ji dest daye.

 

Ewlehiya Peravan diyar kir ku cenazeyên penaberan li peravên girava Samosê hatin rakirin. Her wiha diyar kir ku 16 penaberên di heman keştiyê de hatin rizgarkirin û xebatên lêgerînê li yên din didomin.

 

Çapemeniyên herêmî jî diyar kir ku cenaze yên 2 zarok û 2 jinan in.