31'ê Cotmeha 1984'an: Îndira Gandhi hat qetilkirin

2024-10-31 09:03:04


	 

	 

	 

	Îndira Gandhi ya di 19'ê Mijdara 1917'an de li bajarê Allahabad ê Hîndistanê ji dayik bû yekem serokwezîra jin a Hîndistanê ye. Di heman demê de jî duyemîn kes e ku li Hîndistanê herî zêde serokwezîrtiya demdirêj kiriye. Îndira di 12 saliya xwe de beşdarî têkoşîna azadiya Hîndistanê bû û 'Tûgaya Meymûna' ava kiriye. Ev ji zarokên keç û law pêk dihat. Armanc ew bû ku têkiliyekê di navbera Têkoşerên Azadiyê de ava bike.

	 

	Îndira di 1937'an de dibe endama partiya kongreyê. Di 20 saliya xwe de wekî şêwirmenda bavê xwe dixebite. Îndira ya ku li dijî mêtingeriya Îngilizan têkoşîn kir bêtir bi polîtikaya civakî û perwerdeyî mijûl bû. Di 1942'yan de bi Firoze Gandhi re zewicî. Du zarokên wê çêbûn lê zewaca wê zêde dewam nekir û di 1947'an de dev ji hevjînê xwe berda. Di 1955'an de ket kadroya rêveberiya partiya xwe û di 1959'an de jî bû seroka partiya xwe. 

	 

	Îndira di 31'ê Cotmeha 1984'an de ji aliyê du parêzvanên Sihê li mala serokatiya Delhiya Nû bi çekê di encama sûîkastê de jiyana xwe ji dest da.  

	 

	Hinek geşedanên din ên di dîrokê de qewimîne wiha ne:

	 

	2017: Jinên ji aliyê çêkêrê filîman Harvey Weinstein bi êrişa zayendî rû bi rû man bi lîsteya 82 kesî li ser medyaya dîjîtal hûrguliyên bûyerê ragihandin. 

	 

	2018: Dadgeha Hîndistanê ji bo Asya Bibi ya ku bi hinceta 'heqaret li îslamê kiriye' 8 salan di hucreyê de hat girtin, biryara îdamê dabû. Ev biryar di 2018'an de hat betalkirin û Asya Bibi serbest hat berdan. 

	 

	2018: 11 jinên di çalakiyên 25'ê Mijdarê de bi êrişa polîsan rû bi rû man û bi sûcê muhalefeta li dijî qanûnê ya hejmara 291'an doz li wan hat vekirin berat kirin.