Cinîya ke fek kulturê xo yê kurdî ra vera nêdana: Nura Abay 

2019-01-28 14:47:28


	 

	Gulistan Azak

	 

	AMED - Cinîya bi nameyê Nura Abaya ke bi serran o nanê tenûre viraznena bi xeml û xêza xo bi kultur cil û belganê xo de nîşanê ma dana.

	 

	Nanê tenûre parçeyêke kulturê werdî yê tewr girîngî ê Kurdistanî yo. Nanê tenûre nanê bînan ra cîyayê xo esto. La bi averşîyayîşê teknolojî ra dima firnê sanayî zêde bî û êdî nanê tenûre zêde nêame viraştene. Cinîyê Amedî ke nêwazenê nê adetî nanê tenûre bidê xovîrrakerdiş, nê kulturê xo bajar de zî dewam kenê. Nê cinîyan ra ke kulturê xo dewam kenê ra yew ci ra Nura Abaya ke bi cil û belgê xo kurdî tenûrwanî kena, bi vindertişê xo nîşan dana ke çiqas adetê xo wayîr vejîyaya. Nura ke ma aye dir qiseykerdiş kerd û heta ke nanê xo pewjna girêdayîşê xo yê bi têkoşînê cinîyê kurdan dir bi sloganê "Cinî Cuye Azadî" va.

	 

	'Cil û belgê mi mîrasê kulturê min ê'

	 

	Nura dîyar kerde ke adetê şale aye more tenûre ra tewr kan a û wina va: "Heme karê ke ez kena de şima eşkenê rengê mor bivînê û rengo mor hêzê cinî nîşan dano. Ez heme cil û belgê ke dana xo ra rengê mor tercîh kena. No reng hêz dano mi." Nûra  bale ante serê mûnyayîşê kesk, sûr û zer ê bi bejna xo de girêdayê zî û va ke nê rengî zî nasnameyê mi temsîl kenê.

	 

	'Wa cinîyê wextê ma zî nanê xo tenûre de bipewjnê'

	 

	Nura dîyar kerde ke kesê ke kulturê tenûre heta roja ewro ardê cinî yê, seba ke no adet bêro dewam kerdene ganî cinî nanê xo tenûre de bipewjnê û wina va: "Nanê tenûre merdim eşkeno demêke derg wedarno û bixebitno. Amed de kesê ke îmkanê înan dest bidê nanê xo bi tenûre pewijnenê. La bajar de her ca seba nê karî îmkan çin o. Ez pewjnayîşê nanê tenûre maya xo ra musaya. Seba ke no kulturê ma vindî nêbo, ganî cinîyê wextê ma zî nanê xo bi tenûre viraznê."