'Do nêeşkê vernîye têkoşînê cinîyan bigîrê' 

2019-01-29 12:50:46


	 

	
		Berîtan Canozer   
	
		 
	
		AMED - Hemverfeka Delegeyê KCDî Zelal Bîlgîne arde ziwan ke bi qayûman sazgeh û destkewtişê cinîyan ameyê xepskerdiş û wina va: "Şertê tewr zehmet de nêeşkayî vernîye têkoşînê cinîyan bigîrê. Alternatîf estê, çin bê ma do awan bikerê. Ma eşkenê her tewir xoverdayîş awan bikerê."
	
		 
	
		Verfeka Delegeyê Kongreya Komela Demokratîke (KCD) Zelal Bîlgîne polîtîka û xebatê derheqê cinîyan ê qayûman de rexne kerde û derheqê babete de şîrove kerde. 
	
		 
	
		‘Ma reyîrê îstîhdamî akerd'
	
		 
	
		Zelale dîyar kerde ke înan verê bi sazgehê cinîyan xebate meşnayî û wina va: "Warê îstîhdam, kultur û perwerdeyî de xebate ameyne meşnayîş. Babeta ekonomî de xebate ameyne meşnayîş. Ma rayîrê îstîhdamî akerdêne. Ma cinîyan beşdarê cu kerdêne. Yew zî sebebê padayîşê sazgehê nê seba ke vernîye nê bigîrê. Ma nika bawerê ke cinî xurt bîyê û komelî de bîyê wayîrê statu. Domanê ke pîl kenê zî  bi hişmendiyê zayendê komelî pîl benê."
	
		 
	
		'Destkewtişê cinîyan hedef ame girewtene'
	
		 
	
		Zelale da zanayîş ke sebebê padayîşê sazgehan no bike xurtbîyayîş, statu û hişmendîyê cinîyan bigirî û bi nê zî destkewtişê cinîyan hedef ameyî girewtiş. Zelale dewam de wina va: "Bi rayberîya sazgehê cinîyan stargeh ameyî akerdiş. Cinîyê asayîşê ganê înan çinbi nê cayan de ameyî bicakerdiş. Piştdayîşê huquqî dayî înan. Dimayê padayîşê sazgehan ma zanayîş derheqê cinîyan de nêgirewt. Qayûm sey hacetê xespkerdiş ameyî xebitnayîş. Destkewtişê sazgehê cinîyan ameyî xespkerdiş.”