
Cuya xo bi edebîyat û şîîre vurna 

2020-02-08 09:11:14


	&nbsp;

	Şehrîban Abî

	&nbsp;

	WAN - Mulkiye Tekîna ke emro qij de ameye zewicnayene, hîkayeya aye cinîyan rê bena îlham. Mulkîyeye vat, her cinî serkewte ya û bivatene, 'na cuya mi nîya' vejîya û yew ê şîîre û di heb zî roman nuşte.

	&nbsp;

	Mulkiye Tekîna ke mezraya Şapatanî ya Dereboyuya Şemzînanê Colemêrgî de ameye dinya û hîkayeya cuya aye, îlham dana cinîyan. Dimayê wendegehê sereyîn qedênena, yena zewicnayene û emro qij de bena maye.

	&nbsp;

	Dimayê ke zewicîyena Tetwanê Bedlîsî de bi ca bena û domana aye uca de yena dinya. Mulkîye dîyar kena ke aye bi domana xo dir pîl bena û vat: "Ez domane bîya, qîrênayîşê mi nêameyne eşnawitene. Mi zî serê kaxidî de nuştêne. Dewe de wexto ke mi ewnîyayîne pesî ra, mi rojane nuştêne. Keyfê mi xoza rê yeno."

	&nbsp;

	Mulkîye wendegehê mîyanên û lîseyî teber ra qedênena û dima ra zî Beşê Komelnasî û Averşîyayîşê Domanan ê Unîversîteya Anadolu ya Eskîşehîrî qedênena û nika Unîversîteya Yuzuncu Yilî perwerdeyê formasyonî dewam kena. Mulkîye ke bi bedêl ameya zewicnayene zî semînerê komelnasî û psîkolojîk dana.

	&nbsp;

	‘Mi bêveng têkoşînê xo meşna'

	&nbsp;

	Mulkîyeye da zanayene wexto ke hetê psîkolojîk de zehmetî anta kitab wenda û vat: "Mi bêveng têkoşînê xo meşna. Mi vernê de domananê xo kerdêne hewn û dima ra derse xebityayîne. Ez zaf rincan bîne. La mi waştêne, coka mi qet xo nêda kîşte."

	&nbsp;

	'Cinî eşkenê serkewta bibê'

	&nbsp;

	Mulkîyeye vat bi kitabê xo ewil ê şîîre ya 'vengê lingê şefaqî’ polîtîkayê şîdet û hedîseyê komelî girewta dest û kitab 106 rîpelî ra yeno meydan. Eynî wextî de kitabê ci ê romano diyîn zî sewîyeya qedênayene de yo. Mulkîyeye da zanayene ke ganî cinî xeyalê xo vera nêdê û eşkenê serkewta bibê.

	&nbsp;