
'Ma êdî nêeşkenê faturayê xo bidê' 

2020-02-09 09:39:13


	&nbsp;

	Fîlîz Zeyrek

	&nbsp;

	EDENE - Emîne Ecana Edene de 35 serrî yo terzîtî kena û pêwa ke ameya 73 serreya xo û problemê weşîye ciwîyena, mecbur a bixebitîyo. Emîneye dîyar kerde ke seba krîzî bi zor debara xo kenê û vat: "Ma êdî nêeşkenê fatureyê xo bidê."

	&nbsp;

	Emîne Ercana ke taxa Barbarosî ya Seyhanî ya Edenî de ciwîyena, 35 serrî yo terzîtî kena. 55 serrî verê qezaya Samsatî ya Semsurî ra koçê Edene kerda û bi terzîtî keyeyê xo rê ewnîyena.

	&nbsp;

	'Ma nêeşkenê debara xo bikerê'

	&nbsp;

	Emîneye dikano ke akerdo de 9 domanî pîl kerdê û nika zî domanê xo yê nêweş û 4 tornê xo rê ewnîyena. Emîneye dîyar kena ke semedê hewceyê kesî nêbo, şalwaran derznena û cil û belgan amîr kena û wina vat: "Eynî wextî de serê erdan de xebityena. Debare zaf zehmet bîya. Mi 9 domanî pîl kerdî. &nbsp;Ez nika ewnîyena lajê xo yê nêweş û 4 tornê xo ra. Ez xeylêk xebate ra hes kena, la êdî ez rincan bîya. 73 serre ya. Semedê emrê xo zehmetî ancena. Pişta mi dejena."

	&nbsp;

	'Mi emro qij de maya xo vindî kerd'

	&nbsp;

	Emîneye dewam de wina qalî kerd: "Emro qij de mi maya xo vindî kerd. Coka barê keyeyî kewt serê milê mi. Coka mi nêwend. Pîyê mi kumaş ardêne keye. Waştêne ma bibê wayîrê meslegî. Ma her rey qumaş xira kerdene la ey reyna ardêne. Xêrê pîyê xo rê bi serran o, na mesleke ra nan wena."

	&nbsp;

	'Ekonomîya her kesî xira bî'

	&nbsp;

	Emîneye da zanayene wexto ke dest bi xebate kerda, vernê de çîyê qijî derznaya û wina vat: "Nika seba hêzê ekonomîye kesî çin a, şinê çîyê amade gênê. Ma nê şertan de nêeşkenê debara xo bikerê. Ma verê baş qezenç kerdêne. Nika wina nîyo. Ma nêeşkenê fatureyî awe û ceyranî zî bidê. Ez çar tornê xo dana wendene. Şîyayene înan ez dana. La rewşe senîn bena ez nêzana. Ganî no krîz peynî bibo. Pêro esnafî sey ma yê."

	&nbsp;