
'Perwerde nan û awe ra tewr girîng o' 

2020-02-10 13:18:49


	&nbsp;

	Rojda Seyidxan

	&nbsp;

	QAMIŞLO - Îdarekar û Endamê Komîteya Ekonomîye ya Cinîyan ke girêdayê Kongreya Starî yê, serê girîngîyê perwerdeyî de qisey kerdî û vatî: "Seba ke ma karê xo tewr hîra bikerî, ma dest bi perwerdeyê îdeolojî û kooperatîfî kerd."

	&nbsp;

	Komîteya Ekonomîye ya Cinîyan ya girêdayê Kongreya Starî ya, şaristanê Dêrikî yê Kantonê Qamişloyî de seba averberdene ekonomîya cinîyan û hîrayîya projeyê ke cinîyan aver benê, dest bi perwerdeyê îdeolojî û kooperatîfan kerd. 18 cinîyê ke kurd û erebî bî tewrê perwerdeyî bî û no perwerde do hewteyêko dewam bikero. Têkîldarê perwerdeyî, rayber û endamê komîteya ekonomîye serê perwedeyî de qisey kerdî.

	&nbsp;

	'Perwerde nan û awe ra tewr girîng o'

	&nbsp;

	Îdarekara Komîteya Ekonomîye Cinîyan ya Kongreya Starî Meysa Farûqe serê girîngîyê perwerdeyî de qisey kerde û wina vat: "Seba ke ma karê xo hîn hîra bikerê, ma dest bi perwerdeyê îdeolojî û kooperatîfî kerd. Dewreyê ke ameyo akerdene serê nameyê şehîd Dûnya de yo. Nê perwerdeyî de 18 cinîyê ke kurd û erebê estê. Her ke perwerde yeno dayene, waştişê cinîyan ê karî tewr zêde beno. No zî merdimî kêfweş keno. Cinî, bi rayîrê perwerde xo nas kenê, coka perwerde seba ma nan û awe ra tewr girîng o."

	&nbsp;

	'Merdim bi perwerde komela xo aver beno'

	&nbsp;

	Endama Komîteya Ekonomîye ya Cinîyan ya Kongreya Starî Selîma Mihemede zî tewrbîyayeyê xo seba perwerdeyî wina vat: "Ma bi waştişê xo, tewrê perwerdeyî ekonomîya cinîyan bî. Perwerde seba pêro kesan xeylêk girîng o. Seba ke însan bi perwerde zanaye beno û komelê xo aver beno."

	&nbsp;