
Awanîya HDPyî ya Cizîrî veşa! 

2020-02-10 14:43:55


	&nbsp;

	ŞIRNEX - Awanîya HDPyî ya Rêxistina Cizîrî, qatê ci yewin de şewat vejîya. La nîno zanayene ke şewat seba çi vejîyayo.

	&nbsp;

	Vizêr saete 22.30 de awanîya Partîya Demokratîke ya Şaran (HDP) ya qezeya Cizîrî ya Şirnexî de şewat vejîya. Awanîya ke panc qatî ya, odaya arşîvî veşa. Ame zanayene ke adiro ke vejîyayo, hetê welatîyêko r aameyo ferqkerdene û no ser o veng dîyayo îtfaîya. Komê îtfaîya ke ameyî cayê hedîse, mudaxele kerdî û adir tefnayî. Adir oda û qatê bînan de vila nêbi. Heto bîn ra nîno zanayene ke adir seba çi vejyayo. Seba ke odaya arşîvî veşa hacetê HDPyî, kitab û broşur veşayî.

	&nbsp;

	Dimayê ke adir ame tefnayene, Mudurîyê Asayîşê Qeza zî cigêrayîş cayê hedîse de kerd. Goreyê gumanan, adir seba qûndaxkerdene ameyo meydan.

	&nbsp;

	Hemserekê qeza zî adir seba çi vejyayo, bêro zanayene, waştî ke qamerayê mobesî ra bêro ewnîyayene.

	&nbsp;