
Zahîde bi tezgahê xo vera krîzî têkoşîn kena 

2020-02-11 13:49:21


	&nbsp;

	Fîlîz Zeyrek

	&nbsp;

	EDENE - Zahîde Aslane cehtire koyan ra kom kena, nane û bexdenûs zî baxçeyê xo ra çînena. Zahîdeye dimayê komkerdişî ana û bazar de roşena, pê debara keyeyê xo kena. Zahîdeye dîyar kerde ke aye bi no hewa vera krîzî têkoşîn kena.

	&nbsp;

	Zahîde Aslane ya 60 serrî bazarê taxa Şakîrpaşa yê Seyhanî ya Edenî de tezgah akerda û di serrî yo cahtire, bexdenûs û nane roşena. Zahîdeye cehtire koyê dewa Başpinarî ya şaristanê xo yê Semsurî ra kom kena û nane û bexdenûs zî baxçeyê xo ra çînena. Zahîdeye bi no hewayî vera krîzî têkoşîn kena.

	&nbsp;

	Zahîdeye da zanayene ke cehtireyo ke koyan ra kom kena, wişk kena û ana serê tezgahê xo de roşena û vat: "Ez tena debara xo kena. Ez cehtireyê koyan kom kena. Mi keye de wişk kerd. Bêguman wina asan nîyo. Wextê komkerdene de rastê xetereyan yena. Mi xeylêk rey destê xo birna. Ez bi rîskê kewtişî dir ameya rîbirî. Nebatê ke ez kom kena organîk ê. Nane û bexdenûs ez çînena. Ez înan wişk kena. Feydeyê înan zaf esto. Nê zimistanî de qetî bêrê xebitnayene. Hewte de ge ge yena bazar. Serra vernê hîn baş bî. La karê ma her ke şino xira beno. Her çî bîyo vay. Pêwa her çî ez nika 2 hewte ra reyke yena tîya. Xebate weş a û hêz dana mi."

	&nbsp;