'Walîtî dewijan ra vato ke hetkarîyan qebul mekerê'

2020-02-11 15:21:46


	 

	Şehrîban Aslan

	 

	AMED - Hemşaredara Erganîyî Meryem Yildize derheqê hetkarîyê ke eşrawitîbî Xarpêt û peyser ameybî eşrawitene ser o qisey kerde û vat: "Derheqê nê zanayîşêko fermî seba ma nêame kerdene. Walîtî talîmat dayo dewijan û vato hetkarîyan qebul mekerê."

	 

	Xarpêt de 24ê çele de erdlerzêko bi hêzê 6.8 virazîya û 41 kesî cuya xo vindî kerdî. Dimayê nê, her ca yê şaristanan ra hetkarî ameye kerdene. La hetkarîya ke Partîya Demokratîke ya Şaran (HDP) eşrawit zî dekewtişê şaristanî de ameyî ageyrayîş yan zî ameyî desteserkerdene. Şaredarîyê Qers, Erganî û Pazarcixî û hetkarîyê qezaya Bodrumî ya Muglayî ameybî komkerdene, bi sebebê îdarekarê HDPyî kom kerdê, nêkerdî şaristan. Hemşaredara Erganîyî Meryem Yildize, da zanayene ke tu sebeb înan rê nêameyo neqlkerdene û tena ma zanê ke talîmatê walîtî şîyo dewijan ra vato qebul mekerê.

	 

	'Şar mexdûr o'

	 

	Meryeme da zanayene ke dimayê Erdlerzî lazimî dîyar kerdê û vat: "Ma hema her çî kom kerd û barê kamyonan kerd. Ma vejîyayî rayîr. Şaredarî eşkenê bê muracat, hetkarîyê xo bikerê. Sînorê Xarpêt de rayîrê ma birnayî. Sebeb nêvatî û 3-4 saetan dayî vindarnayene. Şar uca mexdûr bibi la înan vat, qetî şima nêeşkenê şêrê."

	 

	'Walîtî ra talîmatê 'megîrê' ameyo eşrawitene'

	 

	Meryeme vat dewêka rê geyrayê û dewijan înan ra vato, 'Ma mexdûr ê, lazimî esto la walîtî talîmat dayo ma, ma nêeşkenê qebul bikerê.' Meryeme dewam de nê çî va: "No talîmatêko senîn o gelo? Hişê merdimî nêgîno. Ma polîsan ra vat, sebebêko vajê. Vatî ke, 'beno ke nê xidayî zirar bidê weşîya şarî.' Şar xora mexdûr bîyo, ma senîn xidayê ke zirar danê weşîye şarî bieşrawê. Nêverdayî ma bikoyê Xarpêt. Polîsan va ke ma wazenê şima dir bêrê. Ma zî va ma eşkenê şêrê. Qebul nêkerdî. Heta Erganî ma dir ameyî. Seranserê rayîrî nasnameyê ma girewtî. Ma hetkarîyan ra beşêko da AFADî. Beşêko zî nika depo de yo."