'Ma do bi xoverdayîşê xo cewab bidê komplogeran' 

2020-02-12 13:17:55


	 

	Rojda Seyidxan

	 

	QAMIŞLO - Cinîyê şaristanê Dêrikî komployê mîyanneteweyî  yê 15ê sibate şermezar kerdî û vatî: "Komployê mîyanneteweyî ewro zî serê şarê Kurdî de dewam keno, la wa pêro dinya zî baş bizano, ma çin nêbenê û ma do bi xoverdayîşê xo cewab bidê komplogeran."

	 

	15ê Sibata 1999ine de Rayberê PKKyî Abdullah Ocalanî bi komployêko mîyanneteweyî ame tepiştene. Komployê mîyanneteweyî 15ê Sibata 1999ine de heta roja ma ewro, serê şarê Kurd û Rayberê PKKyî Abdullah Ocalanî de yeno meşnayene. Cinîyê şaristanê Dêrîkî serê komployê mîyanneteweyî de şîroveyê xo kerdî.

	 

	'Komployê serê Şarê Kurdî dewam keno'

	 

	Sebah Elîye komployê mîyanneteweyî şermezar kerd û wina vat: "Ma komployê serê Rayberê Apoyî ameyo meşnayene şermezar kenê. Roja 15ê Sibate seba ma rojêka sîya ya, semedo ke a roje Rayberê ma esîr ame girewtene. Komployê mîyanneteweyî ewro zî serê Şarê Kurdî de dewam keno, la wa pêro dinya zî baş bizano ke ma çin nêbenê û ma do bi xoverdayîşê xo cewab bidê komplogeran."

	 

	'Ma do bi fikrê Rayber Apo têkoşîn bikerê'

	 

	Fatma Hemîde zî wina vat: "15ê sibate seba şarê Kurdî rojêka sîya yo û ma pêro şarî a roje serê lingan de yê û komployê mîyanneteweyî şermezar kenê. Rayberê ma nika zindan de yo, la fikrê ey azadî her wext komelî de yê. Ma do bi fikir û felsefeyê Rayber Apo komployî veng vejê."

	 

	'Rayber Apo bi fikr û felsefeyê xo roşn da cuya ma'

	 

	Samîya Xelîla ke Ereb a wina vate: "Seba Rayber Apo vera zulm û nêheqî bi, her wext waştêne ke cinî biresê heqê xo. Dewletê dinya tersayî û komplo viraştî. Rayber Apo bi fikr û felsefeyê xo roşn da cuya ma. Seba nê zî ma do seba azadîya Rayber Apo têkoşîn bikerê."