85 hezar hepsîyê Îranî serbest ameyî veradayene 

2020-03-17 13:26:50


	 

	MERKEZÊ XEBERAN - Îranî 85 hezar hepsî serbest vera da. Hemsereka HDPyî Pervîn Buldane zî veng da û waşt ke hepsîyê Tirkîya serbest bêrê veradayene. 

	 

	Rejîmê Îranî semedê Vîrusê Korona (Covid-19) 85 hezar hepsîyê ke zindanê cîya de yê serbest vera da. Goreyê xebera Rojnameyê Duvarî, rejîmê îranî 85 hezar hepsîyê edlî û sîyasî semedê Vîrusê Korona serbest vera da. Verfekê Darazî Golam Huseyîn Îsmailî ard ziwan ke sera 50ê hepsîyê seba asayîşî ameyê tepiştene yê.

	  

	Hemsereka Pêroyî ya Partîya Demokratîkî ya Şaran (HDP) Pervin Buldane, derheqê babete de serê hesabê medyaya komelî de zanayîş pare kerd û hukmat û selahîyetdaran ra waşte ke hepsîyê Tirkîya serbest bêrê veradayene.