Hepsî terkê mergî ameyî kerdene: Hema teda dewam kenî 

2020-03-18 14:54:55


	 

	MERKEZÊ XEBERAN - Hepsîya bi nameyê Sibel Kayaya ke Zindanê Bayburtî de pêvînayîşê bi merdimanê xo dir kerd wina vat: “Îdareyê zindanî tu tedbîr nêgîno. Erzenê serê koxuşanê ma. Gardîyanî nêzdîyê ma benê û koxuşê ma nînê dezenfektekerdene. Ganî tedbîr bêrê girewtene.”

	 

	Vîrusê Koronayî tesîrêko negatîf serê xeylêk wareyê cuye de keno. Pêwa tesîro nefatîf, tedbîrê ke baş nînê girewtene, benê sebebê endîşeyan. Hepsîya bi nameyê Sibel Kaya Zindanê  Bayburtî de manena derheqê şertanê ke manenê Sonbahar Orake rê qalî kerd û wina vat: “Tîya erzenê serê koxuşan. Tedbîr nînê girewtene û hepsî terkê mergî yenê kerdene.”

	 

	Sibele wina vat: "Zindanan de rewşe dîyar a. Ça mîyanê şertê xidar de yê. Heta nika tena reyke koxuşê ma dezenfekte kerdê. Ma nê prosesî de nêwazenê cigêrayîş bêrê kerdene. Îdareyê zindanî tedbîr nêgêno. Erzenê serê koxuşanê ma. Gardîyanî nêzdîyê ma benê û koxuşê ma nînê dezenfektekerdene. Ganî tedbîr bêrê girewtene. Tedbîr nînê girewtene û hepsî terkê mergî ameyê kerdene. Eynî wextî de semedê hepsîyê nêweşan zî çîyêk nîno kerdene. Ma nêeşkenê avûkatanê xo dir pêvînayîş bikerê û wextê pêvînayîşê û wextê pêvînayîşê bi telefonî dir nêame dergkerdene.