
Meclîsê Cinîyan ê HDPyî: Do balkonan de Newroze pîroz bikerê  

2020-03-19 14:36:53


	&nbsp;

	ENQERE - Meclîsê Cinîyan ê HDPyî derheqê pîrozbayîyê Newroze de veng da cinîyan û vat: "Ma do serê siba û şan de saete 20.20 de ma do vejîyê balkonanê xo û bi tilîlî, deyîran, roşnê telefon û feneran Newroza xo pîroz bikerê."

	&nbsp;

	Semedê vîrûsê koronayî pîrozbayîyê emsar yê Newroze ameyî betalkerdene. Meclîsê Cinîyan ê Partîya Demokratîke ya Şaran (HDP) derheqê pîrozbayîyan de veng da cinîyanû vat do cinî balkonanê xo de bi tilîlî û bi roşnê telefonanê xo Newroze pîroz bikerê.

	&nbsp;

	Meclîsê Cinîyan ê HDPyî da zanayene ke do siba şan de saete 20.20 de dest bi pîrozbîyayîşê xo bikerê. Meclîsê Cinîyan bi rayîrê Twitterî veng da cinîyan û vat: "Ma çiqas dûrê yewbînan bê zî zerrîya mîlyonan kesan de Newroze yena pîrozkerdene. Ma do bikewê balkonan, bi tilîlî, deyîran û roşnîyê telefon û fenerên xo Newroza xo pîroz bikerê."

	&nbsp;