Merasîmê cenazeya Helîn Boleke rê astengîyê polîsan: 16 kesî ameyî tepiştene

2020-04-04 15:19:47


	 

	STENBOL- Endama Grup Yorumî Hêlîne Boleka ke roja 288ine ya rojeyê mergî de dinyaya xo bedilnaye seba ci merasîmê cenaza ame organîzekerdene. Polîsan hêrişê merasîmî kerd xeylêk kesî destbend kerdî.

	 

	Cenazaya Helîne keyeyê xoverdayîşî yê Kuçuk Armutlu ra ameye girewtene û  ame waştene ke bêro berdene Cemxaneyê Okmeydani. La polîsan Nurtepe de vernîya cenaza girewte û ramitoxê wesayîtê cenaza û wesayîta ke keyeyê Helîne kiriştêne destbend kerdî. 

	 

	Polîsan waşt ke cenaza bêberdişê Cemxaneyî  Goristanê Ferîkoyî de bêro definkerdene. Bi seyan kesanê ke tewrê merasîmî bîyî vera tewirê polîsan bi sloganan nêrazîbîyayîş ramot û deyîrê Grup Yorumî vatî. Dima ra şaro ke waşt ke şiro Goristanê Ferîkoyî reyna raştê astengîya polîsan ame. Vera naye çalakîya roniştişî ameye destpêkerdene. 

	 

	Polîsan hêriş kerd xeylêk kesî destbend kerdî. Şar verê Cemxaneyê Yenîkoy de paweno û polîsan bizorî cenazaya Helîne viste rayîrê Goristanê Ferîkoyî.