Êlih de adir kerdî binê kontrolî: Hepsî sewqê zîndananê bînan bîyî 2020-04-05 13:00:09   ÊLIH -  Bado ke hepsîyê Zîndanê Tîpê Myî yê Êlihî yê ke qanûnê înfazî ra cîya ameyî tepiştene sere wedart înan rê hêriş ame kerdene û tay hepsî zîndananê dormeyî rê ameyî sewqkerdene.   Zîndanê Tîpê Myî yê Êlihî de Seba ke hukmat rîyê nêweşîya Korona ra tayî hepsîyan vera dano û hepsîyanê sîyasîyan mergî rê caverdano hepsîyan sere wedart. Hepsîyanê ke şewat vet bi sloganan qîrayî.   Şar verê hepsî de kom bi   Bi destpêkerdişê serewedartişî xeylêk ambûlans û îtfaîyeyî sewqê zîndanî bîyî û dormeyê zîndanî  hetê polîsanê têgêrayîşê taybetî ra gerîya binê ablûqa. Seba ke vengê serewedartişê hepsîyan merkezê bajarî ra zî ame eşnawitene merdimê hepsîyan zî verê zîndanî de ameyî pêser.  Şaro ke heta saetanê şewe verê zîndanî de pawit waşt ke selahîyetdarî eşkerayîyêkê bidê la eşkerayîyêke nêdîyaye.   650 hepsî ameyî sewqkerdene   Saetanê ereyî de reyna zîndanî ser ra dûman bi berz û şaro ke verê zîndanî de pawêtene bi fîtik û çepikan protesto kerd. Dima ra bajaranê dormeyî ra xeylêk wesayîtê zîndanan ameyî. Goreyê zanayîşê ke Komeleya Heqanê Merdiman (ÎHD) ra ame girewtene 650 tepişteyî zîndananê bînan rê ameyî sewqkerdene.