Hûmara kesê ke bi Vîrusê Korona kewtî yew mîlyon û 200 hezarî derbaz kerde 

2020-04-05 15:06:36


	 

	MERKEZÊ XEBERAN - Dinya de hûmara kesê ke bi Vîrusê Korona kewtî yew mîlyon û 200 hezarî derbaz kerde. Hûmara kesê ke Vîrusê Korona ra cuya xo vindî kerdî 60 hezarî derbaz kerde. Hûmara kesê ke tedawîya înan baş derbaz bî zî bî 246 hezar û 760.

	 

	Vîrusê Korona (Covid-19) ke reya yewine bajarê Wuhanî yê Çînî de vejîyabî raşte bi hawayêko lez vilayê pêroyê dinya bî. Badê Çînî Îranê, Îtalyayê û xeylê welatanê Ewropa de vila bî. Vîrus çend rojanê peyênan de Amerîka de zî bi hawayêko lez vila bî.

	 

	Goreyê dayeyanê fermî ABD de 311 hezar û 637 kesî bi Vîrusê Korona kewtî. Hûmara kesê ke ABD de vîrus vera cuya xo vindî kerdî zî bî 8 hezar û 454 kes. ABD hetê hûmara ‘kesê ke tewr zêde vîrus ra cuya xo vindî’ de rêza hirêne de yo.