'Bi telefon dir qiseykerdene nîno manaya ke tecrîd ameyo wedaritene' 

2020-05-15 10:05:31


	 

	Şehrîban Abî

	 

	QERS - Hemsereka HDPyî ya Qersî Sevda Subaşi, dîyar kerde ke yewin qiseykerdişê bi telefono ke Rayberê PKKyî Abdullah Ocalanî qalî kerdo, ganî her wext bêro kerdene û vat, bi pêvînayîşêko dir nîno manaya ke tecrîd ameyo wedaritene.

	 

	Rayberê PKKyî Abdullah Ocalanî prosesê 21 serrî tepişnayîşê xo de yewin rey îmkanê heqê xo yê qiseykerdişê telefonî 27ê Nîsane de bi ca ard. Hemsereka HDPyî ya Qersî Sevda Subaşiye babete ercna û dîyar kerde ke eke rojeyê mergî, grevê vêşanîye, şewatê Îmralî û vîrus çinbibayîne, îmkanê ke bi Îmralî dir têkillî bêrê ronayene, mimkun nîyo.

	 

	Sevdaye da zanayene ke ganî pêvînayîşê bi telefonî dir her wext bibê û vat: "Rastîyêke ma ya wina welat de esta. Eke Îmralî de rayîrê dîyalog û pêvînayîşan akerdebo; demokrasî û standartê cuye ya Tirkîya zî berz a. La eke Îmralî de tecrîd bibo, globalbîyayîş û pêrodayîşî zêde benê. Îmralî no het ra laboratuarê demokrasî yo."

	 

	'Yeno pawitene ke nê prosesî de pêvînayîşî bêrê kerdene'

	 

	Sevda dewam de wina qalî kerde: "Semedê welatêko demokratîk û aştîye, ganî vera tecrîdî bêvengîye çinbo. Heqê telefonî, heqêko destûrê bingeyîn o. Labelê çi heyf, 21 serrî yo nê heqî nêdanê Abdullah Ocalanî. Semedê vîrusî, 27ê Nîsane de heq ame dayene. La qiseykerdişêko bi telefonî, nîno manaya ke tecrîd ameyo wedaritene. Cuyêka newe mimkun a. Rayîrê nê zî muzakereyî ra derbaz beno. Ganî dest polîtîkayanê pêrodayîşî ra vera bidê."

	 

	'Astengkerdişê pêvînayîşan rayîr verê hêrsî akeno'

	 

	Sevda, dîyar kerde ke îqtîdar zano ke do fikrê Abdullah Ocalanî serê şarê Tirkîya û heme şaranê dinya de tesîr bikero û vat, coka tecrîd bi ca ano û wina dewam kerde: "Zanê ke fikrê ey, vera felsefeyê sîstemî yê. AKP-MHPyî zî wazenê serê globalbîyayîşê îqtîdarê xo de dewam bikerê. Bêşik astengkerdişê pêvînayîşan zî her wext vernîya hêrsê şarî akerdo."

	 

	'Ma seba vîrusî bi endîşeyîn ê'

	 

	Sevda arde vîr ke Abdullah Ocalanî 70 serrî derbaz kerdo û seba vîrusî bi endîşeyîn ê û wina vat: "Goreyê 10in madeyê Desturê Bingeyîn, her kes hemverê qanûnan têduşt o. Kes nêeşkeno nê têduştî ra bêpar bêro verdayene."